កំពង់ស្ពឺ៖ អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកឱរ៉ាល់ និងជា​ប្រធាន​ក្រុមការងារ​ចុះជួយឃុំតាសាល ស្រុកឱរ៉ាល់ ខេត្តកំពង់ស្ពឺ ឯកឧត្តម យឿន យឿត បាន​អំពាវ​នាវ​ជា​ថ្មី​ម្តងទៀត​ដល់បងប្អូនជនរួមជាតិទាំងអស់ ជាពិសេស​បងប្អូនពលរដ្ឋ​ដែល​កំពុង​រស់​នៅ​ស្រុកឱរ៉ាល់ ខេត្តកំពង់ស្ពឺ សូមអញ្ជើញទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិ​ទី៥ ដែលនឹងប្រព្រឹត្តិទៅនាថ្ងៃអាទិត្យទី៥ ខែមិថុនា ឆ្នាំ២០២២នេះឲ្យបានគ្រប់ៗគ្នា។

ឯកឧត្តម យឿន យឿត ក៏បានអំពាវនាវដល់បងប្អូនទាំងអស់បោះឆ្នោត​ជូន​គណបក្ស​ប្រជាជនកម្ពុជា ខណៈ គណបក្សប្រជាជនកម្ពុជាប្រៀបបានដូចជាដើមឈើសន្តិភាព ដែលបាន​នាំ​ឲ្យ​ប្រទេសកម្ពុជាទាំងមូលមាន សុខសន្តិភាព និងការអភិវឌ្ឍគ្រប់យ៉ាងរហូតដល់សព្វថ្ងៃនេះ។ ការបោះឆ្នោតជ្រើសរើសមេឃុំ និងចៅសង្កាត់របស់គណបក្សប្រជាជនកម្ពុជា គឺជាជម្រើស​ដ៏​ល្អបំផុត​ ដើម្បីបំរើផលប្រយោជន៍ដល់បងប្អូនប្រជាពលរដ្ឋ និងប្រទេសជាតិទាំងមូល។

ឯកឧត្តមបានលើកឡើងទៀតថា គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្ស ត្រូវបានបងប្អូនពលរដ្ឋខ្មែរស្ទើតែទាំងអស់បានផ្តល់សេចក្តីជឿទុកចិត្ត និង​ប្រគល់​សំឡេងឆ្នោតឲ្យដឹកនាំប្រទេសជាតិជាង៣០ឆ្នាំកន្លងមកហើយ ហើយក្នុង រយៈ​ពេល​ជិត​៤០ឆ្នាំនេះ បានធ្វើឲ្យប្រទេសជាតិមានសុខសន្តិភាព មានការអភិវឌ្ឍស្ទើគ្រប់វិស័យ ហើយ ជីវភាព​របស់នៅរបស់បងប្អូនប្រជាពលរដ្ឋខ្មែរកាន់តែរីចំរើនពីមួយឆ្នាំទៅមួយឆ្នាំនោះ៕