ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលបានប្រព្រឹត្តទៅរយៈពេល ១៤ថ្ងៃ គឺចាប់ពីថ្ងៃទី២១ ខែឧសភា ដល់ថ្ងៃទី៣ ខែមិថុនា ឆ្នាំ២០២២ នេះ ទោះបីមានករណីខ្លះបានកើតឡើង ក្នុងអំឡុងពេលឃោសនាបោះឆ្នោតក៏ដោយ ប៉ុន្តែដោយមានការសម្របសម្រួល និងការអធ្យាស្រ័យគ្នា ទៅវិញទៅមក ទើបការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ប្រព្រឹត្តទៅដោយរលូនល្អ ពុំមានករណីអំពើហិង្សា ឬការគំរាមកំហែងទេ។