បារាំង​ស្មើ​ក្នុង​ផ្ទះ ជ័យជំនះ​សំរាប់​ប៊ែ​ល​ហ្ស៊ិ​ក និង​ព័រទុយហ្កាល់​ក្នុង​ការ​ប្រកួត​ជំរុះ World Cup តំបន់​អឺរ៉ុប​

បារាំងស្មើក្នុងផ្ទះ ជ័យជំនះសំរាប់ប៊ែលហ្ស៊ិក និងព័រទុយហ្កាល់ក្នុងការប្រកួតជំរុះ World Cup តំបន់អឺរ៉ុប

បាល់ទាត់៖ ការប្រកួតវគ្គជំរុះ World Cup ២០២២ នៅកាតា បានចាប់ផ្តើមនៅតំបន់អឺរ៉ុបហើយយប់មិញនេះ ខណៈក្រុមការពារតំណែងជើងឯកពិភពលោកបារាំង បានត្រឹមស្មើអ៊ុយក្រែនក្នុងទឹកដីខ្លួនឯង។

ខ្សែប្រយុទ្ធ Barcelona, Antoine Greizmann ជាអ្នកស៊ុតគ្រាប់នាំមុខតាមស្មើ David Trezeguet ៣៤គ្រាប់ ក្នុងបញ្ជីអ្នកស៊ុតបញ្ចូលទីច្រើនឲ្យក្រុមជំរើសជាតិបារាំង តែក្រុមរបស់លោក Didier Deschamps នាំមុខបានត្រឹម ១៩នាទីប៉ុណ្ណោះ ពោលគឺអ៊ុយក្រែនដែលដឹកនាំដោយ Andrea Shevchenko តាមស្មើវិញដោយ Serhiy Sydorchuk។ បារាំងស្ថិតនៅក្នុងពូល D នៃវគ្គជំរុះនេះ ខណៈមួយប្រកួតទៀតក្នុងពូលនេះហ្វាំងឡង់ និងបូស្នៀស្មើគ្នា ២-២។

ងាកមកក្រុមលេខ១ ពិភពលោក ប៊ែលហ្ស៊ិកចាប់ផ្តើមវគ្គជំរុះរបស់ខ្លួន ជាមួយនឹងជ័យជំនះ ៣-១ លើវែល។ បន្ទាប់ពីវែលនាំមុខមុននៅនាទីទី១០ ដោយ Harry Wilson ក្រុមរបស់លោក Roberto Martinez វាយបកពីក្រោយ ៣គ្រាប់វិញដោយ Kevin de Bruyne, Thorgan Hazard និងបាល់ពិន័យ ១១ម៉ែត្ររបស់ Romelu Lukaku។ ប៊ែលហ្ស៊ិកស្ថិតក្នុងពូល E នៃវគ្គជំរុះកំពុងឈរលេខ២ ក្នុងពូលមាន ៣ពិន្ទុដូចគ្នានឹងឆេក ដែលយកឈ្នះនៅទឹកដីអេស្តូនីយប់មិញ ៦-២ ដោយ Hat-Trick របស់កីឡាករ West Ham, Tomas Soucek។ ចំណែកឯក្រុមជើងឯក Euro ២០១៦ ព័រទុយហ្កាល់ក៏រកបាន ៣ពិន្ទុដែរទាំងលំបាកលើអាស៊ែបៃសង់ ១-០ ហើយមួយគ្រាប់នោះជាគ្រាប់បាល់ចូលទីខ្លួនឯងរបស់ Maksim Medvedev ទៅទៀត។

ទោះបីជាព័រទុយហ្កាល់ដាក់ចូលលេងសុទ្ធតែកីឡាករកំពូលៗដូចជា Cristiano Ronaldo, Bruno Fernandes និង Bernardo Silva ក៏ដោយបែរជាពិបាកយកឈ្នះ ក្រុមដែលមានលំដាប់ថ្នាក់លេខ៧២ ពិភពលោកមួយនេះ។ ព័រទុយហ្កាល់ស្ថិតក្នុងពូល A ឈរលេខ២ ក្នុងពូលមាន ៣ពិន្ទុជាមួយស៊ែប ដែលយកឈ្នះសាធារណរដ្ឋអៀកឡង់ ៣-២។ ងាកទៅពូល G ក្រុមទឹកក្រូចហូឡង់បានរងបរាជ័យនៅទឹកទួរគី ៤-២។ ខ្សែប្រយុទ្ធវ័យចំណាស់ ៣៥ឆ្នាំទួរគីកំពុងប្រកបអាជីពនៅទឹកដីបារាំង ជាមួយក្រុមកំពូលតារាង Lille, Burak Yilmaz គឺជាតួឯកយប់មិញដោយរកបាន ៣គ្រាប់ម្នាក់ឯងឲ្យទួរគីបាន ៣ពិន្ទុដ៏មានសារសំខាន់ ជាមួយនឹងណ័រវេយដែលយកឈ្នះនៅទឹកដីហ្ស៊ីប្រាល់តា ៣-០ និងម៉ុងតេណេក្រូដែលយកឈ្នះនៅទឹកដីឡេតូនី ១-០។ ចំណែកពូល H រុស្ស៊ីឡើងឈរលេខគេ ក្រោយឈ្នះនៅទឹកដីម៉ាល់តា ៣-១ ស្របពេលក្រុមជើងឯករង World Cup ២០១៨ ក្រូអាស៊ីចាញ់នៅទឹកដីស្លូវេនី ខណៈសកោះស៊ីបស្មើស្លូវ៉ាគី ០-០៕

អត្ថបទ៖នាង សុភាវុធ

អត្ថបទដែលទាក់ទង

វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត

Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន

មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

បណ្ដាញសង្គម

ព័ត៌មានចុងក្រោយ

ប្រេស៊ីល ច្រានចោលការដំឡើងពន្ធថ្មីរបស់សហរដ្ឋអាមេរិក និងចាត់វិធានការនៅអង្គការ WTO

ប្រធាន IMO ថ្កោលទោសការវាយប្រហារជាថ្មីលើការដឹកជញ្ជូនអន្តរជាតិនៅសមុទ្រក្រហម

រដ្ឋមន្ត្រីការបរទេស៖ ការប្រើប្រាស់ទ្រព្យសកម្មដែលត្រូវបានបង្កករបស់អ៊ីរ៉ង់ បង្កើតគំរូដ៏គ្រោះថ្នាក់សម្រាប់ពិភពលោក

មន្ត្រីអង្គការលើកលែងទោសអន្តរជាតិ អំពាវនាវឱ្យមានការចាប់ខ្លួនលោក Benjamin Netanyahu

អ៊ីរ៉ង់ បើកទ្វារចំហសម្រាប់ផ្នែកការទូត ទោះបីជាមានការឈ្លានពានរបស់សហរដ្ឋអាមេរិកក៏ដោយ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

បារាំងស្មើក្នុងផ្ទះ ជ័យជំនះសំរាប់ប៊ែលហ្ស៊ិក និងព័រទុយហ្កាល់ក្នុងការប្រកួតជំរុះ World Cup តំបន់អឺរ៉ុប