ឧត្តរមានជ័យ៖ លោកឧត្តមសេនីយន៍ត្រី នាក់ វង្ស មេបញ្ជារការរង ​និងជានាយសេនាធិការចម្រុះ​នៃកងពលតូចថ្មើរជើងលេខ៤២ បានលើកឡើងថា កងទ័ពរួមទាំងគ្រួសារកងទ័ពជាច្រើននាក់ មកពីតាមបណ្តាអង្គភាពនានា ចំណុះឱ្យកងពល បានមកទទួលការចាក់វ៉ាក់សាំង​ប្រភេទ​អាត្រាស៊ីនីកា ដូសទី៥ ដូសជំរុញ ដើម្បីការពារប្រព័ន្ធសរីរាង្គបណ្តុះធាតុសាំបន្ថែមទៀត ឱ្យមានភាពរឹងមាំ ដើម្បីបង្ការទប់ស្កាត់នូវជំងឺឆ្លងផ្សេងៗ។

លោកឧត្តមសេនីយ៍ត្រី នាក់ វង្ស បានបន្តថា ការ​ចាក់វ៉ាក់សាំងប្រភេទអាត្រាស៊ីនីកា​ជូនដល់កងទ័ព​និងក្រុមគ្រួសារកងទ័ព នៅពេលនេះ គឺបន្ទាប់ពីពួកគាត់​បានចាក់ដូសទី៤រួចរាល់​មានរយៈពេល​គម្លាត​បីខែទើបពួកគាត់​អាចទទួលការចាក់បន្តសំរាប់ដូសទី៥ បន្ថែមទៀត។

លោកឧត្តមសេនីយ៍ត្រី បានបញ្ជាក់ថា បងប្អូនកងកម្លាំងរួមទាំងក្រុម​គ្រួសារ​បានមកទទួលចាក់​វ៉ាក់សាំង​នៅពេលនេះ ​គឺពួកគាត់មកចាក់​ដោយ​ការ​ស្ម័គ្រចិត្ត​ដោយ​មិន​មាន​ការ​បង្ខិតបង្ខំ​អ្វីនោះ​ឡើយ។

យ៉ាងណាម៉ិញ លោកឧត្តមសេនីយ៍ បន្ថែមថា ការ​ចាក់វ៉ាក់សាំងនេះ​គឺអាចបង្ការទប់ស្កាត់​បាន​យ៉ាង​ល្អប្រសើរ​ចំពោះបញ្ហាជំងឺឆ្លងផ្សេងៗ​ ពិសេសជំងឺកូវីដ-១៩ ដែលបច្ចុប្បន្ន​យើងពុំមានការឆ្លង​បន្ត​ទៀត​នោះឡើយ។ ទាំងអស់នេះហើយ ​គឺដោយសាររាជរដ្ឋាភិបាលកម្ពុជា​បានខិតខំយកចិត្តទុក​ដាក់ខ្ពស់​ដើម្បីស្វែរកវ៉ាក់សាំងចាក់​ជូនបងប្អូនប្រជាពលរដ្ឋ​នឹងកងកម្លាំងឲ្យរួចផុត​ពីការឆ្លង​ជំងឺ​ទាំងអស់នេះ​បានប្រកបដោយប្រសិទ្ធភាពខ្ពស់​ព្រោះកងទ័ព​គឺជា​កម្លាំស្នូល​ដ៏​សំខាន់​សំរាប់​វិស័យ​ការពារជាតិ៕ អត្ថបទ៖ ឃិនសារិទ្ធ