NATO៖ ប្រមុខអង្គការណាតូបាននិយាយកាលពីថ្ងៃអង្គារថា សម្ព័ន្ធយោធាមួយនេះត្រូវតែបង្កើនការត្រៀមខ្លួនកាន់តែច្រើនជាងមុន និងពង្រឹងសមត្ថភាពអាវុធរបស់ខ្លួននៅតាមព្រំដែនភាគខាងកើតរបស់ខ្លួន ក្រោយការវាយប្រហាររបស់រុស្ស៊ីចូលអ៊ុយក្រែន។
ក្រុមមេដឹកនាំសម្ព័ន្ធណាតូបានប្ដេជ្ញាគាំទ្រអ៊ុយក្រែន និងផ្ដល់អាវុធធុនធ្ងន់បន្ថែមទៀតមុនជំនួបកំពូលក្នុងទីក្រុង Madrid ប្រទេសអេស្ប៉ាញ។ អគ្គលេខាធិការអង្គការណាតូលោក Jens Stoltenberg បានថ្លែងបែបនេះបន្ទាប់ពីការពិភាក្សាក្រៅផ្លូវការក្នុងប្រទេសហូឡង់ ជាមួយលោកនាយករដ្ឋមន្ត្រីហូឡង់ Mark Rutte និងបណ្ដាមេដឹកនាំមកពីប្រទេសណាណឺម៉ាក ប៉ូឡូញ ឡាតវី រ៉ូម៉ានី ព័រទុយហ្គាល់ និងបែលហ្ស៊ិក មុនជំនួបកំពូលដ៏ធំនៅក្នុងទីក្រុង Madrid នៅចុងខែនេះ។
លោកបាននិយាយថា នៅក្នុងទីក្រុង Madrid យើងនឹងឯកភាពគ្នាលើការពង្រឹងជំហររបស់យើង។ យប់នេះ យើងបានពិភាក្សាពីភាពចាំបាច់ សម្រាប់ការត្រៀមខ្លួនប្រយុទ្ធកាន់តែម៉ឺងម៉ាត់ និងត្រៀមខ្លួនឲ្យបានច្រើនជាងមុន ព្រមទាំងការផ្គត់ផ្គង់អាវុធបន្ថែមទៀតដល់អ៊ុយក្រែន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
