អន្ដរជាតិ៖ សហភាពអឺរ៉ុបបានកាត់បន្ថយការនាំចូលប្រេងឆៅ និងឥន្ធនៈរបស់រុស្ស៊ីបន្តិចម្តងៗ ចាប់តាំងពីខែមីនា ហើយបានយល់ព្រមលើបម្រាមនាំចូល​ទាំងស្រុងដែលនឹងចូលជាធរមាននៅចុងឆ្នាំ  ២០២២នេះ​ ។ សហភាពអឺរ៉ុប ​ត្រូវបាន​ជំរុញ​ឲ្យ​ត្រៀម​​លក្ខណៈ​សម្រាប់​ការកាត់ផ្ដាច់​ទាំងស្រុង​​នៃ​ការផ្គត់ផ្គង់​ឧស្ម័ន​​របស់​រុស្ស៊ី នៅ​រដូវរងានេះ។  អតិថិជន​នៅអាស៊ីបានបោះជំហានទៅរក​ការបង្កើនការទិញប្រេងឆៅរបស់រុស្ស៊ីយ៉ាងឆាប់រហ័ស ទោះបីជាអាស៊ីមិនមែនជាទីផ្សារធំសម្រាប់ឥន្ធនៈរុស្ស៊ីក៏ដោយ ព្រោះអាស៊ីចម្រាញ់ប្រេងច្រើនជាងតម្រូវការ និងជាអ្នកនាំចេញឥន្ធនៈសុទ្ធ៕