សហរដ្ឋអាមេរិក៖ មន្ត្រីយុត្តិធម៌ក្រុង New York លោកស្រី Letitia James និងអភិបាលក្រុង New York លោក Eric Adams បានដាក់ពាក្យបណ្តឹងលើក្រុមហ៊ុនលក់កាំភ្លើងតាមទំនើងចិត្ត និងអាវុធគ្មានបង់លេខស៊ីរី។
លោកស្រី James និយាយថា យើងកំពុងដាក់ពាក្យបណ្តឹងលើក្រុមហ៊ុនចំនួន១០ ដែលកំពុងលក់កាំភ្លើងខុសច្បាប់ចូលមកក្នុងទីក្រុង New York។ ក្រុមហ៊ុនទាំងនេះលក់កាំភ្លើង ឬគ្រឿងបំពាក់ដោយផ្ទាល់ទៅឲ្យអតិថិជនដោយគ្មានការពិនិត្យពីប្រវត្តិ និងគ្មានឯកសារលក់ពីរដ្ឋាភិបាលសហព័ន្ធ។ អភិបាលក្រុងលោក Eric Adams និយាយថា ទីក្រុង New York បានប្តឹងក្រុមហ៊ុនផលិតចំនួន៥ ដែលបានលក់កាំភ្លើងមកកាន់ទីក្រុងនេះ។ លោកនិយាយថា យើងគាំទ្រច្បាប់គ្រប់គ្រងកាំភ្លើងរបស់រដ្ឋាភិបាលសហព័ន្ធ ដែលទើបអនុម័តកាលពីពេលថ្មីៗនេះ ហើយយើងត្រូវការជំនួយបន្ថែមទៀតពីសមាជិកសភារដ្ឋ និងទីក្រុងដើម្បីទប់ស្កាត់។
លោក Adams បានបញ្ជាក់ថា តម្រូវការបន្ថែមទៀតនឹងត្រូវធ្វើឡើង ដើម្បីប្រយុទ្ធប្រឆាំងអំពើហិង្សាដោយកាំភ្លើង។ យើងត្រូវប្រឆាំងសកម្មជនច្បាប់ដែលកំពុងលុបបំបាត់ច្បាប់ សុវត្ថិភាពកាំភ្លើងដែលបានបង្កើតឡើង និងធ្វើឲ្យយើងមានសុវត្ថិភាពកាន់តែតិច៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
