ព្រះសីហនុ៖ នាវាចម្បាំងកងទ័ពជើងទឹកភូមិន្ទថៃ មួយគ្រឿងឈ្មោះ HTMS RATTANAKOSIN (FS-441) បានចូលចតនៅកំពង់ ផែស្វយ័តក្រុងព្រះសីហនុនៅថ្ងៃទី៥ ខែកក្កដា ឆ្នាំ២០២២ ក្នុងដំណើរទស្សនកិច្ចផ្លូវការនៅព្រះរាជាណាចក្រកម្ពុជារយៈពេល ៥ថ្ងៃ ចាប់ពីថ្ងៃទី០៥ ដល់ថ្ងៃទី០៩ ខែកក្កដា ឆ្នាំ២០២២។ 

ក្នុងដំណើរទស្សនកិច្ចផ្លូវការរបស់នាវាចម្បាំងកងទ័ពជើងទឹកភូមិន្ទថៃនាពេលនេះដឹកនាំដោយមេបញ្ជាការនាវាលោកវរនាវីឯកPRAKASIT SUTTIWONGKUL ប្រធានប្រតិភូឧត្តមនាវីទោ ARTORN CHARAPINYO មេបញ្ជាការរងយោធភូមិភាគ១ បញ្ជាការដ្ឋានកងទ័ពជើងទឹកភូមិន្ទថៃ។ នាវា នឹងចាកចេញពីកំពង់ផែវិញ ថ្ងៃទី០៩ ខែកក្កដា ឆ្នាំ២០២២ តាមកម្មវិធីកំណត់។ ក្នុងការអញ្ជើញទទួលគណៈប្រតិភូនាវាកងទ័ពជើងទឹកថៃនេះដែរដោយមានការទទួលស្វាគមន៍យ៉ាងកក់ក្តៅពីថ្នាក់ដឹកនាំកងទ័ពជើងទឹកនៃព្រះរាជាណាចក្រកម្ពុជានៅកំពង់ផែអន្តរជាតិក្រុងព្រះសីហនុនិងដោយមានការរក្សាសន្តិសុខសណ្ដាប់ធ្នាប់ជូនគណៈប្រតិភូដោយកងកម្លាំងសមត្ថកិច្ចនៃខេត្តព្រះសីហនុ។នាវាចម្បាំងកងទ័ពជើងទឹកភូមិន្ទថៃHTMS RATTANAKOSIN (FS-441) មានបណ្ដោយជិត៨០ម៉ែត្រ ទទឹងជិត១០ម៉ែត្រ ជម្រៅទឹក ៥ម៉ែត្រ ទម្ងន់ផ្ទុកជិត១ពាន់តោន និងចំនួនមនុស្ស ៩២នាក់៕ អត្ថ​បទ ៖ ប៊ុនថា