អន្ដរជាតិ៖ វាដល់ពេលម្តងទៀតហើយ ពេលដែល​ភ្លៀងធ្លាក់ខ្លាំង​នៅក្នុងទីក្រុងម៉ុមបៃប្រទេសឥណ្ដា និងតំបន់ជិតខាង បានធ្វើឲ្យប៉ះពាល់ និងអាក់ខានការរស់នៅរបស់ប្រជាពលរដ្ឋរាប់លាននាក់​នៅក្នុងរដ្ឋធានីហិរញ្ញវត្ថុ​មួយនេះ ។    

តំបន់ជាច្រើននៅក្នុងទីក្រុងមួយនេះ បន្តជន់លិច​ទឹកត្រឹមចង្កេះ ស្របពែលដែលភ្លៀងនៅតែបន្តបង្អុរចុះ ធ្វើឲ្យ​លិចលង់ទីក្រុងទាំងមូល។

មន្ទីរអាកាសធាតុឥណ្ឌា បានចេញសេចក្តីប្រកាសអាសន្ន​សម្រាប់ទីក្រុងម៉ុមបៃ និងស្រុកជិតខាង ដោយពួកគេ បានព្យាករណ៍ថា​ភ្លៀងធ្លាក់ពីតិចទៅខ្លាំង នឹងបន្តបង្អុរចុះរយៈពេល ៥ថ្ងៃទៀត ៕