មណ្ឌលគិរី៖ គិតត្រឹមព្រឹកថ្ងៃទី១៣ ខែកក្កដា ឆ្នាំ២០២២ ស្ថានភាពអាកាសធាតុ​ក្នុង​ខេត្ត​មណ្ឌលគិរី​ភ្លៀង​នៅ​តែបន្ត​ធ្លាក់​បង្ក​ជា​ជំនន់​ទឹកភ្លៀង​ដែលបង្ក​ឲ្យ​បណ្តា​ឃុំ​មួយ​ចំនួន​រង​ការ​ជន់​លិច​។

បើតាមរបាយការណ៍របស់អាជ្ញាធរ ស្ថានភាពនេះ បានបណ្តាលឲ្យឃុំចំនួន៥ រួមមាន ឃុំស្រែព្រះ ទឹកលិច​ដាច់ស្ពានឈើ១កន្លែង, ឃុំស្រែខ្ទុម រងផលប៉ះពាល់លិចដំណាំដំឡូងមី ស្រូវ និង​ផ្ទះ​សម្បែង​ប្រជាពលរដ្ឋប្រមាណ១៧ខ្នងផ្ទះ ខណៈឃុំចំនួន៣ផ្សេងទៀត ជំនន់ទឹកភ្លៀង​បាន​ហូរ​កាត់​ផ្លូវ​លំ​មួយចំនួន។