អ៊ុយក្រែន ៖​ស្របពេលដែលការដឹកជញ្ជូនអាវុធ​របស់ប្រទេសលោកខាងលិច នៅតែបន្ត ទាហានអ៊ុយក្រែន បានធ្វើសមយុទ្ធ​សាកប្រើប្រាស់អាវុធថ្មីៗ ដែលជាជើងទម្របាញ់រ៉ុក្កែតប្រឆាំងរថក្រោះ និងកាំភ្លើងត្បាល់ ។ទាហានមួយរូប បាននិយាយថា លោកសង្ឃឹមថា អាវុធទាំងអស់នេះ នឹងផ្លាស់ប្តូរជំនោរសង្រ្គាម ។ជំនួយជាគ្រឿងយុទ្ធោបករណ៍នេះ បានកើតមាន ខណៈដែលកងកម្លាំងរុស្ស៊ី ព្យាយាម​ពង្រឹងការដណ្តើមគ្រប់គ្រង​ខេត្ត ២នៅតំបន់ភាគខាងកើតអ៊ុយក្រែន Donbas គឺខេត្ត Donetsk និងខេត្ត Luhansk ។ រុស្ស៊ី កំពុងបង្កើនការវាយលុក​របស់ខ្លួន​នៅតំបន់ផ្សេងទៀតផងដែរ ៕