កំពត៖ ដំណើរកម្សាន្តតាមទូកទេសចរណ៍ទៅមើលថ្ងៃលិច និងមើលអំពិលអំពែក តាមដងព្រែកកំពត ចាប់ផ្តើមដំណើរការធម្មតាឡើងវិញហើយ ក្រោយពេលទ្វាររំដោះទឹកចេញពីអាងស្តុកទឹកទំនប់វារីអគ្គិសនីកំចាយ ត្រូវបានបិទវិញ កាលពីល្ងាចថ្ងៃទី២៣ ខែកក្កដា នេះ។

អាជីវករម្ចាស់ទូកទេសចរណ៍កម្សាន្តតាមដងព្រែក “Happy កូនភ្លោះ” បានប្រាប់ឱ្យដឹងថា ដំណើរ កម្សាន្តតាមទូកទេសចរណ៍ទៅមើលថ្ងៃលិច និងមើលអំពិលអំពែកតាមដងព្រែកកំពត ចាប់ផ្តើមដំណើរការធម្មតាឡើងវិញ បានពីរបីថ្ងៃហើយ។

ទោះជាទ្វារទឹកទំបន់វារីអគ្គិសនីកំចាយបើកក៏ដោយ​ ក៏ដំណើរការអា ជីវកម្មទូកទេសចរណ៍​នៅ​លើដងព្រែកកំពត ​នៅតែបើកទទួលភ្ញៀវជានិច្ច។

ប្រធានមន្ទីររ៉ែ និងថាមពល ខេត្តកំពត លោក សោម វិចិត្រ បានប្រាប់ឲ្យដឹងថា ដោយសារស្ថាន ភាពកាស​ធាតុល្អប្រសើរ​ ក្រុមហ៊ុនវារីអគ្គិសនីកំចាយ ​ស៊ីណូហាយឌ្រូ បានបិទទ្វាររំដោះទឹកចេញ​ពីអាង ស្កុកទឹកវិញហើយ ​កាលពីល្ងាចថ្ងៃទី២៣ ខែកក្កដា នេះ ហើយស្ថានភាពកម្ពស់ទឹក​ទំនប់​វារីអគ្គិសនី​កំចាយ នៅថ្ងៃទី២៥ ​ខែកក្កដានេះ គិតមកដល់ពេលនេះ ​មានកម្ពស់១៤៨.២ម រំហូរចូល ៨៦.៧០ម៉ែត្រគូប​ ក្នុងមួយវិនាទី រំហូទឹកចេញ ១៧៨.២៨ម៉ែត្រគូប​ ក្នុងមួយវិនាទី ដើម្បីផលិតថាមពល​បាន១៧៩.៣ម៉េហ្គាវ៉ាត់ (MW)។ ស្ថានភាពអាកាសធាតុនៅតំបន់វារីអគ្គិសនីល្អធម្មតាវិញហើយ ​មិនមានការបើកទ្វាររំដោះទឹក នោះទេ៕អត្ថបទ៖ អន សារឹម