​អឺរ៉ុប៖ ប្រេង​បាន​កើន​ឡើង​កាលពី​ថ្ងៃ​ចន្ទ​តាម​ការ​រំពឹង​ទុក ការកាត់បន្ថយ​ការ​ផ្គត់ផ្គង់​ឧស្ម័ន​ធម្មជាតិ​របស់​រុស្ស៊ី​ទៅកាន់​អឺរ៉ុប ​អាច​ជំរុញ​ឱ្យ​មាន​ការ​ងាក​ទៅ​រក​ការប្រើប្រាស់​ប្រេង​ឆៅ ទោះបី​ជា​មាន​ក្ដី​បារម្ភ​អំពី​ការ​ធ្លាក់​ចុះ​នៃ​តម្រូវការ​ប្រេងឥន្ធនៈ ដោយសារតែ​ការ​កើន​ឡើង​ការ​រំពឹង​ទុក​នៃ​អត្រា​ការ​ប្រាក់ ​របស់​សហរដ្ឋ​អាមេរិក​កើន​ឡើង​មាន​កម្រិត​។​

​តម្លៃ​ភាគហ៊ុន​ប្រេង​ឆៅ Brent សម្រាប់​ខែ​កញ្ញា​បាន​កើន​ឡើង 45សេន ឬ​ស្មើ 0.4% ដែល​ធ្វើ​ឲ្យ​តម្លៃ​ហក់​ឡើង​ដល់ ​105.60​ដុល្លារ​អាមេរិក​ក្នុង​មួយ​បារ៉ែល​ក្រោយ​កើន​ឡើង ​1.9%​ កាល​ពី​មួយ​ថ្ងៃមុន​។ តម្លៃ​ភាគហ៊ុន​ប្រេង​ឆៅ West Texas Intermediate (WTI) ​របស់​សហរដ្ឋអាមេរិក សម្រាប់​ការ​ដឹក​ជញ្ជូន​នៅ​ខែ​កញ្ញា​បាន​កើន​ឡើង ​34សេន ឬ​ស្មើ 0.4% ដែល​ធ្វើ​ឲ្យ​តម្លៃ​​កើន​ឡើង​ដល់ ​97.04ដុល្លារ​អាមេរិក​ក្នុង​មួយ​បារ៉ែល​កើន​ឡើង 2.1% កាលពី​ថ្ងៃ​ចន្ទ​។ ​ប្រទេស​រុស្ស៊ី​បាន​កាត់បន្ថយ​ការ​បង្ហូរ​ឧស្ម័ន​របស់​ខ្លួន​ទៅកាន់​អឺរ៉ុប​កាលពី​ថ្ងៃ​ចន្ទ ខណៈ​ក្រុមហ៊ុន Gazprom និយាយ​ថា ការ​ផ្គត់ផ្គង់​តាម​បំពង់​បង្ហូរ​ឧស្ម័ន Nord Stream 1 នឹង​ត្រូវ​បន្ថយ​រហូតដល់ ​20%​ នៃ​សមត្ថភាព​ផ្គត់ផ្គង់​សរុប​របស់​ខ្លួន​។​

​ការ​កាត់ផ្ដាច់​ការ​ផ្គត់ផ្គង់​របស់​រុស្ស៊ី ​នឹង​បណ្ដាល​ឲ្យ​ប្រទេស​ជាច្រើនមិន​អាច​ទទួល​បាន​ឧស្ម័ន​ធម្មជាតិ​គ្រប់​គ្រាន់ ​សម្រាប់​ការ​ចាក់​បំពេញ​កង្វះខាតមុន​រដូវរងា​ចូល​មក​ដល់​។ ប្រទេស​អាល្លឺម៉ង់​ដែល​ជា​សេដ្ឋកិច្ច​ធំ​បំផុត​របស់​សហភាព​អឺរ៉ុប ប្រឈម​យ៉ាង​ខ្លាំង​នៃ​កង្វះ​ឧស្ម័ន​សម្រាប់​វិស័យ​ឧស្សាហកម្ម ​ដើម្បី​ផ្ដល់​កម្ដៅ​ដល់​ពលរដ្ឋ​របស់​ខ្លួន​ក្នុង​អំឡុង​រដូវរងា​រយៈ​ពេល​ប៉ុន្មាន​ខែ​នោះ​៕​

អត្ថបទ៖ សុខមាន