​កោះ​តៃវ៉ាន់​៖ ប្រជាជន​កោះ​តៃវ៉ាន់​បាន​និយាយ​ថា ដំណើរ​ទស្សនកិច្ច​រប​ស់​ប្រធាន​សភា​សហរដ្ឋ​អាមេរិក​លោកស្រី Nancy Pelosi មកកាន់​កោះ​តៃវ៉ាន់​ គឺ​គ្មានអ្វី​ក្រៅពី​ការបង្ហាញ​នយោបាយ​ដែល​អាចធ្វើ​ឲ្យ​ជម្លោះ​កាន់តែ​រីក​ធំ និង​ធ្វើ​ឲ្យ​មាន​ការមិនទុកចិត្ត​គ្នា​រវាង​ប្រជាជន​កោះ​តៃវ៉ាន់ និង​ចិនដីគោក​នោះទេ​។

ខណៈ​ឈប់​ចត​ក្នុង​ដំណើរ​ទស្សនកិច្ច​នៅ​អាស៊ី​របស់​លោកស្រី Pelosi នៅ​កោះ​តៃវ៉ាន់​កាលពី​យប់​ថ្ងៃ​អង្គារ បានធ្វើ​ឲ្យ​ប្រទេស​ចិន​ប្រឆាំង​យ៉ាងខ្លាំង និង​មាន​កំហឹង​។​ ពលរដ្ឋ​នៅ​ទីក្រុង​តៃប៉ិ​បាន​និយាយ​ថា​ លោកស្រី Pelosi បានមក​ធ្វើ​ទស្សនកិច្ច​ក្នុង​គោលបំណង​ផ្ទាល់ខ្លួន​របស់​លោក​ស្រី ខណៈ​រដ្ឋបាល​លោក Biden កំពុង​ព្យាយាម​ដើម្បី​ដោះស្រាយ​អតិផរណា ដែល​បាន​កើន​ឡើងដល់​កម្រិត​ខ្ពស់​រយៈ​ពេល 40ឆ្នាំ​មកនេះ​កាលពី​ខែមិថុនា​ជាង 9% ហើយ​បានធ្វើឱ្យ​ប្រជាជន​អាមេរិក​រាប់លាន​នាក់​ជួប​បញ្ហា ​ដោយ​ការកើនឡើង​តម្លៃ​សំខាន់ៗ​ដូចជា​ស្បៀងអាហារ លំនៅឋាន​ និង​ឧស្ម័ន​ជាដើម​។

លោក Chang Yao Tsung អ្នករស់នៅ​ក្នុង​ទីក្រុង​តៃប៉ិបាន​និយាយថា ​ពួកគេ​មាន​បញ្ហា​របស់គេ ដំណើរ​ទស្សនកិច្ច​រប​ស់លោក​ស្រី​គឺ​គ្រាន់តែ​ជាការ​បង្ហាញ​នយោបាយ​តែប៉ុណ្ណោះ​។ ពួកគេ​ផ្លាស់ប្តូរ​គោល​ដៅ​ដើម្បី​បង្វែរ​ចំណាប់អារម្មណ៍ និង​ជៀសវាង​ការយកចិត្តទុកដាក់រ​បស់​ប្រជាជន​អំពី​សិទ្ធិ​មនុស្ស និង​អតិផរណា​។ ពួកគេ​និយាយ​អំពី​សិទ្ធិមនុស្ស​គ្រប់​ទីកន្លែង ហើយ​ពួកគេ​ជា​អ្នក​ដែល​មិន​អើពើ​នឹង​សិទ្ធិមនុស្ស​។ កោះ​តៃវ៉ាន់គួរតែ​ចាក​ចេញពី​ភាគី​អាមេរិកដោយ​មិន​ឆ្លើយតប ហើយ​គេច​ចេញពី​ឥទ្ធិពល​របស់​អាមេរិក​។ លោកនិយាយថា មានការ​ព្រួយបារម្ភ​ថា ការធ្វើដំណើរ​របស់លោក​ស្រី Pelosi អាច​បង្កឱ្យមាន​ការបែកបាក់​នៅ​ទូទាំង​ច្រក​សមុទ្រ​កោះ​តៃវ៉ាន់​៕

អត្ថបទ៖ ប៊ុនថន