កូរ៉េខាងជើង៖ ស្ថានទូតរុស្ស៊ីប្រចាំនៅទីក្រុងព្យុងយ៉ាង បាននិយាយកាលពីថ្ងៃព្រហស្បតិ៍ថា ស្ថានភាពនៅក្នុងរដ្ឋធានីរបស់កូរ៉េខាងជើង បានជួបការលំបាកយ៉ាងខ្លាំង បន្ទាប់ពីមានវិធានការយ៉ាងតឹងរ៉ឹងក្នុងការប្រយុទ្ធប្រឆាំងនឹងវីរុសកូរ៉ូណា។
រដ្ឋឯកាដែលមិនទាន់បានបញ្ជាក់ពីករណីឆ្លងសូម្បីតែមួយករណី បានបិទព្រំដែនរបស់ខ្លួន បានបិទទីក្រុងនានាទាំងស្រុង និងចាត់វិធានការជាច្រើន ដើម្បីព្យាយាមការពារការផ្ទុះឡើងនៃជំងឺនេះ។ នៅក្នុងការបង្ហោះនៅលើទំព័រហ្វេសប៊ុករបស់ខ្លួន ស្ថានទូតរុស្ស៊ីបាននិយាយថា បុគ្គលិកការទូតបរទេសកំពុងចាកចេញពីទីក្រុងព្យុងយ៉ាង ដោយមានជនបរទេសតិចជាង ៣០០នាក់ដែលនៅសល់នៅក្នុងទីក្រុងនេះ។ អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅប្រទេសកូរ៉េខាងជើង កាលពីខែមុនបានព្រមានថា វិធានការប្រឆាំងនឹងវីរុសកូរ៉ូណាបានបណ្តាលឲ្យមាន "ការលំបាកផ្នែកសេដ្ឋកិច្ចយ៉ាងធ្ងន់ធ្ងរ" នៅក្នុងប្រទេសមួយ ដែលមានបញ្ហាអសន្តិសុខស្បៀងរួចហើយ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
