​រុស្ស៊ី៖ រដ្ឋមន្ត្រី​ការពារជាតិ​រុស្ស៊ី​លោក Sergei Shoigu កាលពី​ថ្ងៃ​ពុធបានប្រគល់​រង្វាន់​រដ្ឋ​ខ្ពស់បំផុតដល់​មន្ត្រី​រុស្ស៊ី ដែល​បានបង្ហាញ​វីរភាព​ក្នុងអំឡុង​ប្រតិបត្តិការ​សឹក​ពិសេស​នៅ​អ៊ុយ​ក្រែ​ន​។ លោក Shoigu បាន​និយាយថា ខ្ញុំ​សូម​អបអរ​អ្នក​ដោយ​អស់ពី​ចិត្ត ហើយ​សូម​ជូនពរ​ឱ្យ​អ្នក​វិល​ត្រលប់មក​ប្រទេស​វិញ​ដោយ​សុវត្ថិភាព​។

មេដាយ​ផ្កាយ​មាស​គឺជា​រង្វាន់​រដ្ឋ​រប​ស់​ប្រទេស​រុស្ស៊ី​ដែល​ត្រូវបាន​បង្កើតឡើង​ក្នុង​ឆ្នាំ1992 ជា​សិញ​អមដោយ​ងារ​វីរៈបុរស​សហព័ន្ធរុស្ស៊ី​។​ ​ទន្ទឹមនឹងនេះ ប្រធានាធិបតី​អ៊ុយ​ក្រែ​ន​លោក Volodymr Zelenskyy បាន​និយាយ​កាលពី​ថ្ងៃ​ពុធ​ថា លោក​ជឿថា​ រយៈពេល​នៃ​ជម្លោះ​នៅក្នុង​ប្រទេស​របស់លោក​ នឹង​ផ្អែកលើ​ចំនួន​នៃ​ការគាំទ្រ​បន្ថែមទៀត​ដែល​ទីក្រុង​គី​វ​នឹង​ទទួលបាន​ពី​ប្រទេស​នានា​។ នៅក្នុង​សុន្ទរកថា​លោក Zelenskyy និយាយថា អាវុធ​របស់​យើង​មាន​អានុភាព​កាន់តែខ្លាំង ហើយ​កម្លាំង​ប្រើប្រាស់​របស់​វា​កាន់តែ​ធំ សង្គ្រាម​ដ៏​ឃោរឃៅ​នេះ​នឹង​បញ្ចប់​កាន់តែ​ឆាប់​។ លោក​សង្ឃឹមថា ​កិច្ចប្រជុំ​រដ្ឋមន្ត្រី​ការពារជាតិ​នៅ​ទីក្រុង Copenhagen ប្រទេស​ដា​ណា​ម៉ាកនៅ​ថ្ងៃ​ព្រហស្បតិ៍​នេះ ​នឹង​សន្យា​ផ្តល់ជំនួយ​បន្ថែមទៀត​ដល់​អ៊ុយ​ក្រែ​ន​។​

​លោក Zelenskyy និយាយថា ​ការគាំទ្រ​បន្ថែមទៀត​សម្រាប់​រដ្ឋ​របស់​យើង​នៅក្នុង​សង្គ្រាម​នេះ រួមទាំង​អាវុធនឹង​ត្រូវបាន​ពិភាក្សា​ក្នុង​កិច្ចប្រជុំ​។ លោក Zelenskyy និយាយថា លោក​បាន​ពិភាក្សា​ជាមួយ​ប្រធានាធិបតី​ប្រទេស​ហ្គា​ណា និង​សាធារណរដ្ឋ​ប្រជាធិបតេយ្យ​កុង​ហ្គោ​ក្នុង​រយៈពេល​ពីរ​ថ្ងៃ​កន្លងទៅនេះ ដើម្បី​ពិភាក្សា​អំពី​សន្តិសុខ​ស្បៀង៕

អត្ថបទ៖ ប៊ុនថន