ភ្នំពេញ៖ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានបញ្ជាក់ថា ដើម​ខែវិចិ្ឆកា ​ឆ្នាំ២០២២ខាងមុខនេះ កម្ពុជា នឹងបើកដំណើរការសាងសង់រោងចក្រវេចខ្ចប់វ៉ាក់សាំងកូវីដ-១៩។

ការថ្លែងរបស់ឯកឧត្តម សាស្រ្តាចារ្យ ម៉ម ប៊ុនហេង យ៉ាងដូច្នេះ នាឱកាសចុះពិនិត្យទីតាំង​សាងសង់​រោងចក្រវេចខ្ចប់វ៉ាក់សាំងកូវីដ-១៩ ​ដែលមានទីតាំងស្ថិតនៅតាមបណ្តោយផ្លូវជាតិលេខ០៥ ឃុំពញាឮ ស្រុកពញាឮ ខេត្តកណ្តាល ​នាព្រឹកថ្ងៃទី២៦ ខែសីហា​ ឆ្នាំ២០២២នេះ, អមដំណើរ​ដោយ​លោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល និងជាអ្នកគ្រប់គ្រង​ឃ្លាំង​វ៉ាក់សាំង និងលោក ធាន សេង តំណាងក្រុមហ៊ុន CPE Cambodia ៕