​រុស្ស៊ី៖ វិមាន​ក្រឹម​ឡាំង​បាន​និយាយ​កាលពី​ថ្ងៃ​ព្រហស្បតិ៍​ថា លោក​ប្រធានាធិបតី​រុស្ស៊ី Vladimir Putin នឹងមិន​ចូលរួម​ពិធី​បុណ្យ​សព​របស់​លោក​ Mikhail Gorbachev ​ដែល​ជា​មេដឹកនាំ​ចុងក្រោយ​របស់​អតីត​សហភាពសូវៀត​ ដោយ​សំអាង​លើ​ប្រភព​ផ្ទុយគ្នា​ជាច្រើន​។

​លោក Dmitry Peskov អ្នកនាំពាក្យ​វិមាន​ក្រឹម​ឡាំង​បាន​ប្រាប់​សារព័ត៌មាន CNN ថា ​គួរ​ឲ្យ​ស្ដាយ​កាល​វិភាគ​ការងារ​របស់​លោក​ប្រធានាធិបតីនឹង​មិន​អនុញ្ញាត​ឲ្យ​លោក​ចូលរួម​បានទេ។ លោក​ថា លោក Putin ក៏បាន​ទៅកាន់​មន្ទីរពេទ្យ Central Clinical របស់​ទីក្រុង Moscow ជាទី​ដែល​លោក Gorbachev បាន​ទទួល​មរណភាព​កាលពី​ថ្ងៃ​អង្គារ​សប្ដាហ៍​នេះ និង​បាន​ដាក់​ផ្កា​គោរព​វិញ្ញាណក្ខន្ធ​ដែរ។​ អ្នក​នាំ​ពាក្យ​វិមាន​ក្រឹម​ឡាំង​បាន​បង្ហើប​ថា ពិធី​បុណ្យ​សព​របស់​លោក Gorbachev នឹង​មិន​ធ្វើឡើង​តាម​ផ្លូវ​រដ្ឋ​ពេញ​លេញ​ទេ តែ​នឹង​មាន​ពិធី​មួយ​ក្នុងចំណោម​នោះ​ដែរ។ លោក Peskov និយាយថា នឹងមាន​ពិធី​មួយចំនួន​នៃ​ពិធី​បុណ្យ​សព​តាមផ្លូវ​មួយ។ ពិធី​គោរព​​វិញ្ញាណក្ខន្ធ​ និង​លា​ចុងក្រោយ​នឹង​ត្រូវ​រៀបចំ​។ ប្រទេស​នេះ​នឹង​ជួយ​ក្នុង​ការ​រៀបចំ​ពិធី​ទាំងនោះ​៕

អត្ថបទ៖ សុខមាន