ទេសរដ្ឋមន្រ្តី លី ធុជ នាំយកគ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួន ចូលរួមគាំទ្រដល់យុទ្ធនាការប្រយុទ្ធប្រឆាំងនឹងការរីករាលដាលជំងឺកូវីដ-១៩ នៅក្រុងបាវិត

បាវិត៖ នាព្រឹកថ្ងៃទី០៦ ខែមេសា ឆ្នាំ២០២១ ក្នុងនាមលោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី ប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ឯកឧត្ដមទេសរដ្ឋមន្រ្តី លី ធុជ ប្រធានក្រុមការងាររាជរដ្ឋាភិបាលចុះមូលដ្ឋានក្រុងបាវិត បានអញ្ជើញចុះសួរសុខទុក្ខ និងលើកទឹកចិត្តដល់មន្ត្រីរដ្ឋបាលក្រុងបាវិត សង្កាត់ទាំង៥ ក្រុមគ្រូពេទ្យ និងកងកម្លាំងប្រដាប់អាវុធ ដែលកំពុងបំពេញការងារយ៉ាងសកម្មក្នុងយុទ្ធនាការប្រយុទ្ធប្រឆាំងនឹងការរាលដាលជំងឺកូវីដ-១៩ នៅក្រុងបាវិត ខេត្តស្វាយរៀង។

ក្នុងនាមលោកជំទាវកិត្តិសង្គហបណ្ឌិត ឯកឧត្ដមទេសរដ្ឋមន្រ្តី បានថ្លែងអំណរគុណ និងកោតសរសើរប្រកបដោយការវាយតម្លៃខ្ពស់ចំពោះថ្នាក់ដឹកនាំខេត្តស្វាយរៀង រដ្ឋបាលក្រុងបាវិត កងកម្លាំងប្រដាប់អាវុធទាំងបីប្រភេទ និងអាជ្ញាធរមូលដ្ឋាន ដែលបានខិតខំប្រឹងប្រែងចូលរួមយ៉ាងសកម្មក្នុងការទប់ស្កាត់ការរីករាលដាលជំងឺកូវីដ-១៩ ជាពិសេសក្រុមគ្រូពេទ្យ ដែលបានយកចិត្តទុកដាក់ ពុះពារយ៉ាងសស្រាក់សស្រាំគ្រប់បែបយ៉ាង ដើម្បីពិនិត្យ និងព្យាបាលជំងឺរបស់បងប្អូនប្រជាពលរដ្ឋ ក្នុងការងារគ្រប់គ្រងធ្វើចត្តាឡីស័ក និងព្យាបាលអ្នកឆ្លងជំងឺកូវីដ កំពុងរីករាលដាលយ៉ាងខ្លាំងនៅក្រុងបាវិតប៉ុន្មានថ្ងៃចុងក្រោយនេះ។

ឯកឧត្ដមទេសរដ្ឋមន្រ្តី បានសម្តែងនូវការព្រួយបារម្ភយ៉ាងខ្លាំងចំពោះរបាយការណ៍ និងលទ្ធផលនៃការធ្វើតេស្តវិជ្ជមានកូវីដយ៉ាងច្រើននៅក្រុងបាវិត។ ឯកឧត្ដមបានអំពាវនាវឲ្យអ្នករកស៊ីទទួលទាន ប្រជាពលរដ្ឋ និងកម្មករ-កម្មការនីទាំងអស់នៅក្រុងបាវិត ត្រូវបន្តប្រុងប្រយ័ត្នខ្ពស់ និងអនុវត្តន៍តាមសេចក្តីណែនាំផ្សេងៗរបស់ក្រសួងសុខាភិបាលចំពោះការឆ្លងជំងឺកូវីដ-១៩ ជាពិសេសត្រូវអនុវត្តន៍ឲ្យបានខ្ជាប់ខ្ជួននូវវិធានការរបស់សម្តេចតេជោនាយករដ្ឋមន្រ្តី “៣កុំ ៣ការពារ” និងត្រូវចាក់វ៉ាក់សាំងបង្ការជំងឺកូវីដ-១៩ ឲ្យបានគ្រប់ៗគ្នានៅតាមមូលដ្ឋានរបស់ខ្លួនតាមផែនការរបស់រដ្ឋបាលខេត្ត។

ឆ្លៀតក្នុងឱកាសនោះ ទេសរដ្ឋមន្រ្តី លី ធុជ បាននាំយកមកនូវគ្រឿងឧបភោគបរិភោគ និងសម្ភារប្រើប្រាស់ រួម មាន៖ អង្ករ ២តោន មីម៉ាម៉ា ៤៥កេសធំ ត្រីខ ៤៥កេសធំ ទឹកបរិសុទ្ធ ១០០កេស អាលកុល ២៥០លីត្រ ទឹក ផ្លែឈើ ២០កេស អាវពេទ្យ(PPE) ១៥០ របាំងមុខ ២៥០ ម៉ាស់ ៦០០០ ម៉ាស់ពេទ្យ(N95) ៥០០ ស្រោមជើងពេទ្យ ១០០គូរ អាវការពារបាញ់ថ្នាំសម្លាប់មេរោគ ៥ និងថវិកាមួយចំនួនទៀត ដោយត្រូវប្រគល់ និងបែងចែកជូន៖ ទី១/មណ្ឌលចត្តាឡីស័កក្រុងបាវិត ទី២/អធិការក្រុងបាវិត ទី៣/កងរាជអាវុធហត្ថក្រុង ទី៤/ផ្នែកសឹករងក្រុង ទី៥/មន្ទីរពេទ្យបង្អែកជីភូ និងទី៦/មណ្ឌលសុខភាពបាវិត សម្រាប់ប្រើប្រាស់ក្នុងយុទ្ធនាការប្រយុទ្ធប្រឆាំងនឹងការរីករាលដាលជំងឺកូវីដ-១៩ នៅក្រុងបាវិត។

ជាមួយគ្នានេះ ឯកឧត្ដមទេសរដ្ឋមន្រ្តី និងក្រុមការងារ បានចុះពិនិត្យអគារដែលរដ្ឋបាលខេត្តស្វាយរៀង បានរៀបចំឡើងសម្រាប់ធ្វើចត្តាឡីស័ក និងព្យាបាលជំងឺកូវីដនៅអគារម៉ុកបាយ ព្រមទាំងបានចុះពិនិត្យសកម្មភាពចាក់វ៉ាក់សាំងរបស់ក្រុមគ្រូពេទ្យនៅមណ្ឌលសុខភាពបាវិត ផងដែរ៕

អត្ថបទដែលទាក់ទង

ចៅក្រមស៊ើបសួរសម្រេចឃុំខ្លួនជនជាតិថៃចំនួន ២០នាក់ និងបក្ខពួកពាក់ព័ន្ធរៀបចំមជ្ឈមណ្ឌល Online Scams

សិង្ហបូរី ចាត់បញ្ជូននាយទាហានប្តូនវេនពីររូប ដើម្បីចូលរួមជាមួយក្រុម AOT នៅកម្ពុជា

ក្រសួងការងារ បន្តនាំយកឱកាសការងារក្នុងស្រុក ៣ ៧៨០កន្លែង ទៅដល់ប្រជាពលរដ្ឋនៅស្រុកស្ទឹងត្រង់

បណ្ដាញសង្គម

ព័ត៌មានចុងក្រោយ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877