តុលាការសហភាពមីយ៉ាន់ម៉ាដែលគ្រប់គ្រងដោយយោធា នៅថ្ងៃព្រហស្បតិ៍នេះ បានកាត់ទោសមេដឹកនាំដែលត្រូវបានបណ្តេញចេញពីតំណែងលោកស្រី Aung San Suu Kyi និងអតីតទីប្រឹក្សាសេដ្ឋកិច្ចរបស់លោកស្រី គឺលោក Sean Turnell ឱ្យជាប់ពន្ធនាគាររយៈពេលបីឆ្នាំ។

លោកស្រី Aung San Suu Kyi និងលោក Turnell ព្រមទាំងសមាជិកមួយចំនួននៃក្រុមសេដ្ឋកិច្ចរបស់លោកស្រី ស្ថិតក្នុងចំណោមមនុស្សរាប់ពាន់នាក់ដែលត្រូវបានចាប់ខ្លួនចាប់តាំងពីរបបយោធាបានផ្តួលរំលំរដ្ឋាភិបាលជាប់ឆ្នោតនៅក្នុងរដ្ឋប្រហារកាលពីដើមឆ្នាំមុន រួមទាំងអ្នកនយោបាយ សមាជិកសភា និស្សិតនិងអ្នកសារព័ត៌មាន។

លោកស្រី Aung San Suu Kyi ត្រូវបានកាត់ទោសឱ្យជាប់ពន្ធនាគារជាង ១៧ឆ្នាំរួចហើយ នៅក្នុងករណីដាច់ដោយឡែកពីគ្នា ដែលភាគច្រើនពាក់ព័ន្ធនឹងការចោទប្រកាន់ពីបទពុករលួយ ប៉ុន្តេលោកស្រីបានបដិសេធរាល់ការចោទប្រកាន់មកលើលោកស្រី។