ភ្នំពេញ ៖ សាលាដំបូងរាជធានីភ្នំពេញ សម្រេចផ្ដន្ទាទោសឈ្មោះ សុន ឆ័យ ដោយពិន័យ​ជា​ប្រាក់ចំនួនប្រាំបួន លានរៀល ដើម្បីបង់ចូលថវិកាជាតិពីបទ«បរិហារកេរ្តិ៍ជាសាធារណៈ»។ នេះបើតាមសេចក្ដីប្រកាសព័ត៌ មានរបស់គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប ចេញនៅថ្ងៃទី៧ ខែតុលា ឆ្នាំ២០ ២២។

សេចក្ដីសម្រេចរបស់តុលាការដដែលក៏បានផ្ដន្ទាទោសបន្ថែមតាមមាត្រា ៥៣ និង ៣១០ នៃក្រមព្រហ្ម ទណ្ឌដោយបិទផ្សាយសេចក្ដីសម្រេចផ្ដន្ទាទោសនេះនៅទីសំណាក់ចុងក្រោយរបស់ជនជាប់ចោទ នៅ មណ្ឌលបោះឆ្នោត និងនៅបញ្ជរព័ត៌មានសាលាដំបូងរាជធានីភ្នំពេញរយៈពេល ២ ខែ ព្រមទាំងផ្សាយ សេចក្ដីសម្រេចផ្ដន្ទាទោសនេះនៅក្នុងសារព័ត៌មានគ្រប់ប្រភេទរយៈពេល ៨ ថ្ងៃ ដោយការចំណាយជា បន្ទុករបស់ជនជាប់ចោទ។

កាលពីរសៀលថ្ងៃទី៧ ខែតុលា ឆ្នាំ២០២២ សាលាដំបូងរាជធានីភ្នំពេញបានប្រកាសសាលក្រមព្រហ្មទ ណ្ឌលេខ ២៩០៧ ពាក់ព័ន្ធនឹងបណ្ដឹងពីបទបរិហារកេរ្តិ៍ទៅលើជនជាប់ចោទឈ្មោះ សុន ឆ័យ។ តុលា ការក៏បានច្រានចោលការចោទប្រកាន់របស់ជនជាប់ចោទ និងទទួលយកសំណូមពររបស់ដើមបណ្ដឹង រដ្ឋប្បវេណី គ.ជ.ប ដោយតុលាការបានពិនិត្យឃើញថា ការអះអាងរបស់ឈ្មោះ សុន ឆ័យ មិនមែនជា ការពិត និងមានការទម្លាក់កំហុសដោយអសុទ្ធចិត្ត លើអំពើណាមួយដែលនាំឱ្យប៉ះពាល់ដល់ស្ថាប័នជា តិ ហើយអំពើរបស់ជនជាប់ចោទបានធ្វើឱ្យខូចខាតសណ្ដាប់ធ្នាប់ និងរបៀបរៀបរយសង្គម។

សេចក្ដីសម្រេចរបស់តុលាការនៅថ្ងៃនេះ ត្រូវ គ.ជ.ប ចាត់ទុកថា ជាសេចក្ដីសម្រេចដែល គ.ជ.ប ពិត ជាទទួលបាននូវភាពស្អាតស្អំ ការស្ដារកិត្តិយស និងសេចក្ដីថ្លៃថ្នូរក្នុងនាមជាស្ថាប័នជាតិ៕

​

ដោយ៖ គង់ ឌិន​