បន្ទាយមានជ័យ៖ លោក អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ បានចូលរូមចំណែកផ្តល់នូវថវិកាចំនួន១០លានរៀល ជូនសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដើម្បីរួមចំណែកក្នុងការដោះស្រាយបញ្ហាប្រឈមគ្រោះទឹកជំនន់កន្លងមក ។
លោក អ៊ី ចំរើន បានឲ្យដឹងថា សម្តេចតេជោ នាយករដ្ឋមន្រ្តីនៃកម្ពុជា បានខិតខំយកចិត្តទុកដាក់គិតគូរខ្ពស់ពីបញ្ហាប្រឈមនានារបស់ពលរដ្ឋនៅតាមបណ្តាលខេត្ត ដែលទទួលរងបញ្ហាទឹកជំនន់ធ្វើប្រជាពលរដ្ឋនៅតាមតំបន់ដែលរងការជន់លិចមួយចំនួន ត្រូវបានអាជ្ញាធរធ្វើការជន្លៀសមកទីទួលមានសុវត្ថិភាព និងបានផ្គត់ផ្គង់នូវបញ្ហាខ្វះខាតនានា ជូនពលរដ្ឋក្នុងគ្រាលំបាកនេះផងដែរ។
កត្តាទាំងអស់នេះហើយ គឺជាការយកចិត្តទុកដាក់គិតគូរខ្ពស់របស់សម្តេចតេជោ នាយករដ្ឋមន្រ្តីនឹងមិនទុកឲ្យពលរដ្ឋណាម្នាក់រងគ្រោះដោយអត់អាហារនោះឡើយ។
លោក បន្តថា ក្នុងនោះដែរសម្ដេចតេជោ ហ៊ុន សែន ធ្លាប់បានបញ្ជាក់ថា ក្នុងចំណោមប្រជាពលរដ្ឋប្រមាណ១០ម៉ឺនគ្រួសារ មានអ្នកដែលទទួលផលប៉ះពាល់ពីគ្រោះទឹកជំនន់ ប្រមាណ១៨ភាគរយ ស្មើនឹង ប្រមាណជិត ២ម៉ឺនគ្រួសារ ដែលនឹងត្រូវទទួលបានការអន្ដរាគមន៍។
ជាមួយគ្នានេះសម្ដេចតេជោ ហ៊ុន សែន ក៏អំពាវនាវឲ្យបន្ដការយកចិត្ដទុកដាក់តាមរយៈយុទ្ធការក្រុមការងាររបស់រាជរដ្ឋាភិបាល ចុះជួយមូលដ្ឋាន, ក្រុមការងារគណបក្សប្រជាជនកម្ពុជា ចុះជួយមូលដ្ឋាន, កាកបាទក្រហមកម្ពុជា និងសប្បុរសជនត្រូវរួមគ្នា ជួយដល់បញ្ហាស្បៀង នៅទីកន្លែងដែលមានការខ្វះខាតធ្ងន់ និងអ្នកទីទ័លផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
