ភ្នំពេញ ៖ សហភាពសហព័ន្ធយុវជនកម្ពុជា សូមក្រាបថ្វាយព្រះអំណរព្រះរាជគុណយ៉ាងខ្ពង់ខ្ពស់បំផុតថ្វាយព្រះករុណាព្រះមហាក្សត្រ និងសម្តេចព្រះមហាក្សត្រី ព្រមទាំងថ្នាក់ដឹកនាំកំពូល របស់ព្រះរាជាណាចក្រកម្ពុជា ចំពោះព្រះរាជវត្តមានដ៏ខ្ពង់ខ្ពស់បំផុត ដែលសម្តេចយាង និងអញ្ជើញទត និងទស្សនាការសម្តែងក្នុងព្រះរាជកម្មវិធី«១០០ព្រះវស្សា នៃព្រះបិតាឯករាជ្យជាតិ»

សហភាពសហព័ន្ធយុវជនកម្ពុជា (ស.ស.យ.ក.) សូមក្រាបថ្វាយព្រះអំណរព្រះរាជគុណយ៉ាងខ្ពង់ខ្ពស់បំផុតថ្វាយព្រះករុណាជាអម្ចាស់ ជីវិតលើត្បូង ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត និងសូមគោរពថ្លែងព្រះអំណរគុណ និងអរគុណថ្វាយ និងជូន ព្រះរាជវង្សានុវង្ស សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោកជំទាវ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិស្សុទ្ធវង្សា សៅ ទី ហេងសំរិន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ឯកឧត្តម លោកជំទាវ ឯកអគ្គរាជទូត ឯកអគ្គរដ្ឋទូតនៃបណ្តាប្រទេសជាមិត្ត សម្តេច ឯកឧត្តម លោកជំទាវ អ្នកឧកញា លោកឧកញា អស់លោក លោកស្រី ភ្ញៀវកិត្តិយសជាតិ និងអន្តរជាតិទាំងអស់ ដែលយាង និងអញ្ជើញ ទត និងទស្សនាការសម្តែងក្នុង ព្រះរាជកម្មវិធី «១០០ ព្រះវស្សា នៃ ព្រះបិតាឯករាជ្យជាតិ» នារាត្រីថ្ងៃទី៣១ តុលា ឆ្នាំ២០២២ ដែលនេះជាមហាកិត្តិយសដ៏ធំធេងថ្លៃថ្លារបស់ទូលព្រះបង្គំយើងខ្ញុំ ដែលជាអ្នករៀបចំ។ 

ឆ្លៀតក្នុងឱកាសនេះ ទូលព្រះបង្គំយើងខ្ញុំ សូមលើកអញ្ចលីប្រណម្យ បួងសួងដល់អស់វត្ថុសក្តិសិទ្ធក្នុងលោក គុណបុណ្យព្រះរតនត្រៃ កែវទាំង៣ បារមីទេវតាថែរក្សាព្រះមហាស្វេតឆត្រ និងទឹកដីព្រះរាជាណាចក្រកម្ពុជា យាងប្រោះព្រំស័ព្ទាធុការពរជ័យ ថ្វាយព្រះករុណាថ្លៃវិសេស សម្តេចម៉ែ ព្រមទាំងសម្តេច ព្រះអង្គម្ចាស់ ទ្រង់ ឯកឧត្តម លោកជំទាវ អ្នកឧកញា លោកឧកញា អស់លោក លោកស្រី អ្នកនាងកញ្ញា គ្រប់ប្រការ៕ អត្ថបទ ៖ រដ្ឋា