ភ្នំពេញ ៖ អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ឯកឧត្ដម ហេង រតនា បានផ្សព្វផ្សាយឱ្យដឹងនៅ ថ្ងៃទី៣ ខែវិច្ឆិកា ឆ្នាំ២០២២ ថា អង្គភាពបោសសម្អាតមីនភាគខាងត្បូងបានទទួលអនុវត្តគម្រោងសម្តេ ចតេជោ សម្រាប់សកម្មភាពមីន ក្នុងខេត្តចំនួន០៣ គឺតាកែវ, កំពត និងខេត្តកំពង់ស្ពឺ ដោយសម្រេចល ទ្ធផលរំដោះផ្ទៃដីចម្ការមីនបានចំនួនជាង១.៧០២ ហិកតា រកឃើញ និងកម្ទេចចោលមីនប្រឆាំងមនុស្សចំនួន ៨១៥គ្រាប់ រកឃើញ និងកម្ទេចចោលគ្រាប់យុទ្ធភ័ណ្ឌមិនទាន់ផ្ទុះចំនួន ១២០៩ គ្រាប់។

ដោយឡែកខេត្តកំពតរំដោះផ្ទៃដីចម្ការមីនបានចំនួនជាង ៦៦៤ ហិកតា រកឃើញ និងកម្ទេចចោលមីនប្រឆាំងមនុស្សបានចំនួន ៣៨៥គ្រាប់ រកឃើញ និងកម្ទេចចោលគ្រាប់យុទ្ធភ័ណ្ឌមិនទាន់ផ្ទុះបានចំនួន ៤៨៥ គ្រាប់។ តាមផែនការគ្រោងទុក ខេត្តកំពតនឹងបញ្ចប់ការបោសសម្អាតមីនទាំងស្រុងនៅត្រឹមចុងខែវិច្ឆិកា ឆ្នាំ២០២២ខាងមុខនេះ។

ឯកឧត្ដមបន្តថា កិច្ចប្រតិបត្តិការក្រោម«គម្រោងសម្តេចតេជោ សម្រាប់សកម្មភាពមីន»ក្នុងជំហានទី១ អង្គភាពស៊ីម៉ាក់បានទទួលភារកិច្ចបញ្ចប់បញ្ហាគ្រាប់មីននៅខេត្តចំនួន៥គឺ ខេត្តតាកែវ កំពត កំពង់ឆ្នាំង កំពង់ចាម និងខេត្តស្វាយរៀង ដោយផ្ទៃដីមានបញ្ហាគ្រាប់មីនសរុបជិត៣,០០០ហិកតា ហើយគិតមកដល់ចុងខែតុលា ឆ្នាំ២០២២នេះ សម្រេចបានជិត៨០%នៃផែនការ ជាគោលដៅខេត្តទាំង៥ត្រូវបញ្ចប់បញ្ហាគ្រាប់មីននៅចុងឆ្នាំ២០២២នេះ។

នៅថ្ងៃនេះដែរ ឯកឧត្ដមក៏បានចុះពិនិត្យការងារប្រតិបត្តិការបោសសម្អាតមីនរបស់អង្គភាពបោសសម្អា តមីនភាគខាងត្បូង ដែលកំពុងប្រតិបត្តិការបោសសម្អាតមីន ក្នុងគម្រោងសម្តេចតេជោសម្រាប់សកម្ម ភាពមីន ក្រោមមូលបទ‌‌‌‌«ផ្តល់ដីសុវត្ថិភាព បង្កើតស្នាមញញឹម» ស្ថិតនៅក្នុងភូមិដំណាក់ឈើក្រំ ឃុំស្នា យអញ្ចិត ស្រុកជុំគិរី ខេត្តកំពត៕

​

ដោយ៖ គង់ ឌិន