ភ្នំពេញ៖ នាយកដ្ឋានសុខភាពសិក្សានៃក្រសួងអប់រំ យុវជន និងកីឡា នៅចុងសប្ដាហ៍នេះ បានដឹកនាំ គណៈគ្រប់គ្រងសាលារៀន រួមទាំងមន្រ្តីពាក់ព័ន្ធមកពី ​សាលាគោលដៅចំនួន ៥ ដើម្បីសិក្សាពីគំរូ នៅសាលាបឋមសិក្សាចតុមុខ។

សាលារៀនគោលដៅចំនួន ៥ ដែលបានមកបំពេញទស្សនកិច្ចពីភាពជាគំរូ នៅសាលាបឋម សិក្សាចតុមុខ នៅរាជធានីភ្នំពេញនេះ ជាសាលាដែលត្រូវបានជ្រើសចេញពីខេត្តគោលដៅចំនួន ៥ផងដែរ។ សាលាទាំងនោះគឺ មកពីខេត្តកំពង់ស្ពឺ កំពង់ឆ្នាំង កំពង់ចាម ស្វាយរៀង និងខេត្តតាកែវ។

ជុំវិញការដឹកនាំដំណើរទស្សនកិច្ចនេះ លោកជំទាវ ឆាយ គឹមសុទ្ធាវី ប្រធានាយកដ្ឋានសុខភាព​សិក្សា​នៃក្រសួងអប់រំ បញ្ជាក់ថា នេះជាទស្សនកិច្ចសិក្សាពីភាពជាគំរូ នៃស្តង់ដារសុខភាពគ្រប់ជ្រុង​ជ្រោយ ដោយមានការគាំទ្រពី។

លោកជំទាវបន្តថា ស្តង់ដារសុខភាពសិក្សា គឺផ្តោតលើជាច្រើនចំណុច ទាំងការងារបរិស្ថាន រួមទាំង​បន្ទប់សុខភាព និងចំណុចជាច្រើនទៀត។ ទស្សនកិច្ចនេះ គឺផ្តល់ជាការសិក្សាបន្ថែម សម្រាប់សាលាទាំង ៥ អាចរៀនសូត្រពីភាពជោគជ័យរបស់ ​សាលាបឋមសិក្សាចតុមុខ ដើម្បីទៅអនុវត្ត បំពេញចន្លោះខ្វះខាត នៅសាលារបស់ខ្លួន។

ជាការលើកឡើងជូនសាលាទាំង ៥ក្នុងទស្សនកិច្ចនេះ លោក គ្រូ សូ ធី ជានាយកសាលា​បឋម​សិក្សាចតុមុខ លើកឡើងថាភាពជោគជ័យដែលអាចធ្វើទៅគឺភាពសហការគ្រប់ភាគីពាក់ព័ន្ធ។ សាលាតែឯង​ គឺមិនអាចសម្រេចបាននោះទេ។

ក្រោយបញ្ចប់ការទស្សនកិច្ចនេះ លោក អិន អាន នាយករងវិទ្យាល័យក្រុងកំពង់ឆ្នាំង ជាសាលា​មួយក្នុងចំណោមសាលាទាំង ៥ដែលត្រូវបានក្រសួងអប់រំ ​ជ្រើសរើស បានបង្ហាញ​ជាភាពរីករាយក្នុងការសិក្សាស្វែងយល់ពីការអនុវត្តបានជោគជ័យនសាលាចតុមុខ។ លោកបន្តថា សម្រាប់សាលាលោកគ្រូ គឺទទួលយកបទពិសោធន៍ល្អៗ ​ពីសាលាចតុមុខ ដើម្បីអនុវត្តនៅ​សាលាគ្រូឱ្យបានជោគជ័យផងដែរ៕ អត្ថបទ៖ គឹមហុក