ភ្នំពេញ ៖ នាយករដ្ឋមន្រ្តីវៀតណាម លោក ហ្វាម មិញជិញ នៅព្រឹកថ្ងៃទី៩ ខែវិច្ឆិកា ឆ្នាំ២០២២នេះ បានអញ្ជើញ ទៅទស្សនកិច្ច និងសួរសុខទុក្ខដល់ក្រុមគ្រូពេទ្យ ដែលបំរើការនៅក្នុងមន្ទីរពេទ្យជោរៃ ​រាជធានីភ្នំពេញ ខណៈក្នុងដំណើរសួរសុខទុក្ខនេះ លោកនាយករដ្ឋមន្រ្តីបានណែនាំឲ្យក្រុមគ្រូពេទ្យបន្តយកចិត្តទុកដាក់ បំរើដល់អ្នកជំងឺឲ្យបានខ្លាំងក្លាបន្ថែមទៀត។

បន្ទាប់ពីលោកអគ្គនាយកមន្ទីរពេទ្យជោរៃភ្នំពេញ បានធ្វើបទបង្ហាញអំពីរបាយការណ៍អាជីវកម្មរបស់មន្ទីរពេទ្យ​តាំងពីចាប់ផ្តើម​ដំណើរការ​មន្ទីរពេទ្យរហូតដល់ពេលបច្ចុប្បន្ន។

លោកនាយករដ្ឋមន្ត្រីហ្វាម មិញជិញបានផ្តល់អនុសាសន៍ណែនាំផ្តាំផ្ញើរ ក៏ដូចជាអបអរសាទរដល់មន្ទីរពេទ្យដែល​សម្រេចបានស្នាដៃ​លទ្ធផលល្អប្រសើរ ជាច្រើនគួរជាទីមោទនភាព។លទ្វផលទាំងនេះសបញ្ជាក់អោយឃើញអំពីការសហការយ៉ាងល្អរវាងមន្ទីរពេទ្យជោរៃក្រុងហូជីមិញនិងមន្ទីរពេទ្យជោរៃភ្នំពេញក្នុងការ​ព្យាបាលជួយសង្រ្គោះអ្នកជម្ងឺអោយទាន់ពេលវេលានិងប្រសិទ្ធភាព។

លោកក៏បានថ្លៃងអំណរគុណដល់មន្ទីរពេទ្យជោរៃភ្នំពេញ ដែលតែងតែយក​ចិត្តទុកដាក់ពិនិត្យព្យាបាល​អ្នកជម្ងឺប្រកបដោយប្រសិទ្ធភាព​ខ្ពស់គួរជាទីគាប់ចិត្ត ជាពិសេសមន្ទីរពេទ្យបានចូលរួមយ៉ាងសកម្មក្នុងយុទ្ធនាការទប់ស្កាត់កូវីដ១៩​ ជាមួយរាជរដ្ឋាភិបាលកម្ពុជា ក៏៏ដូចជាចូលរួមសកម្មភាពមនុស្សធម៌នានាដូចជា ការផ្តល់ឈាម ដោយស្ម័គ្រចិត្ត ការពិនិត្យសុខភាព​ដោយសប្បុរសធម៌​តាមបណ្តាខេត្តក្នុងប្រទេសកម្ពុជាជូនប្រជាពលរដ្ឋក្រីក្រ។ នាយករដ្ឋមន្ត្រី លោកក៏បានបន្តទៀតថា មន្ទីរពេទ្យត្រូវបន្តអនុវត្ត​ទៅតាមផែនការ ទិសដៅដែលបានដាក់ចេញក្នុងដំណាក់កាលទី២ ពង្រីកបន្ថែមគ្រែអ្នកជម្ងឺរហូតដល់៥០០ គ្រែ ដើម្បីបំពេញ​តម្រូវការអតិថិជន។ ពិសេសពង្រឹងតម្លៃកិត្តិសព្ទអោយបានទូលំទូលាយ ធ្វើយ៉ាងណាបន្តរក្សានិងបង្កើនចំនួនអ្នកជម្ងឺ ក៏ដូចជាអតិថិជន ដោយខិតខំបម្រើសេវាកម្មអោយបានល្អជូនចំពោះពួកគាត់។លើសពីនេះមន្ទីរពេទ្យខិតខំបង្កើនចំណងមិត្តភាពនៅក្នុងតំបន់ក៏ដូចជាចូលរួមជាមួយរាជរដ្ឋាភិបាលកម្ពុជា អោយបានសកម្ម​ក្នុងវិស័យ​សុខាភិបាល៕ អត្ថបទ ៖បាន ចក់