ចិន៖ អភិបាលក្រុងប៉េកាំងបាននិយាយនៅក្នុងសេចក្ដីថ្លែងការណ៍នៅថ្ងៃអង្គារនេះថា រដ្ឋធានីប៉េកាំងរបស់ចិនលែងតម្រូវឲ្យពលរដ្ឋដែលចូលទៅក្នុងអគារផ្សារទំនើប និងអគារពាណិជ្ជកម្មនានា ត្រូវបង្ហាញលទ្ធផលតេស្តអវិជ្ជមានវីរុស COVID-19 នៅលើទូរស័ព្ទដៃរបស់ពួកគេទៀតហើយ។
ប៉ុន្តែរដ្ឋធានីនេះនៅតែតម្រូវឲ្យមានលទ្ធផលធ្វើតេស្តអវិជ្ជមាននៅឡើយ ដើម្បីអាចចូលទៅហាងកាហ្វេមានអ៊ីនធឺណិត សាលារៀន ក្លឹបកម្សាន្ត ខារ៉ាអូខេ កន្លែងហាត់ប្រាណ និងមណ្ឌលថែទាំមនុស្សចាស់។ ប្រជាពលរដ្ឋក្នុងរដ្ឋធានីប៉េកាំងបានបង្ហាញទស្សនៈផ្សេងៗ គ្នាចំពោះការបន្ធូរបន្ថយ វិធានការទប់ស្កាត់ការឆ្លងរាលដាវីរុស COVID-19 ដ៏តឹងរ៉ឹងបំផុត របស់ពិភពលោក កាលពីថ្ងៃចន្ទ ទី៥ធ្នូ ខណៈការអនុវត្តន៍វិធានការបន្ធូរបន្ថយនានា បានសាបព្រួសការយល់ច្រឡំទូទាំងប្រទេស ដោយសង្ឃឹមថានឹងមានការបំភ្លឺបន្ថែមទៀត ពីគោលនយោបាយជាក់លាក់នានា។ ចំនួនករណីឆ្លងថ្មីប្រចាំថ្ងៃនៃវីរុស COVID-19 ក៏បានធ្លាក់ចុះផងដែរនៅតំបន់មួយចំនួន ខណៈក្រុមអាជ្ញាធរបន្តការធ្វើតេស្ត៕ អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
