អូឡាំពិក៖ ស្ថាប័នកីឡាអូឡាំពិកបាននិយាយកាលពីថ្ងៃចន្ទថា គណៈកម្មាធិការកីឡាអូឡាំពិកអន្តរជាតិ (IOC) ពុំមានផែនការភ្លាមៗក្នុងការដកទណ្ឌកម្មលើប្រទេសរុស្ស៊ី និងបេឡារុសនោះទេ ទោះបីជាដំណើរការវគ្គជម្រុះសម្រាប់កីឡាអូឡាំពិករដូវក្តៅទីក្រុងប៉ារីសឆ្នាំ2024 នឹងឈានចូលពេញលេញនៅឆ្នាំក្រោយក៏ដោយ។
IOC បានចេញការណែនាំដល់ស្ថាប័នគ្រប់គ្រងកីឡាកាលពីខែកុម្ភៈ ដើម្បីដកចេញអត្តពលិកមិនឲ្យចូលរួមប្រកួតប្រជែងសម្រាប់កីឡាករមកពីប្រទេសរុស្ស៊ី និងបេឡារុស។ ថ្លែងនៅថ្ងៃដំបូងនៃកិច្ចប្រជុំក្រុមប្រឹក្សាប្រតិបត្តិរបស់ IOC អ្នកនាំពាក្យលោក Mark Adams បាននិយាយថា ពុំមានការផ្លាស់ប្តូរចំពោះទណ្ឌកម្មដែលបានដាក់ ខណៈមានការចាប់ផ្តើមសង្គ្រាមនៅអ៊ុយក្រែននោះទេ ទោះបីជាការប្រកួតនៅទីក្រុងប៉ារីសនឹងចាប់ផ្តើមនៅរយៈពេលត្រឹមជាងមួយឆ្នាំកន្លះទៀតក៏ដោយ។
ខណៈជំហររបស់គណៈកម្មាធិការកីឡាអូឡាំពិកអន្តរជាតិ (IOC) អាចផ្លាស់ប្តូរសហព័ន្ធមួយចំនួនវាច្បាស់លាស់ថា មធ្យោបាយតែមួយគត់ដើម្បីឲ្យរុស្ស៊ី និងបេឡារុសចាប់ផ្តើមឡើងវិញបាននៅក្នុងកីឡារបស់ពួកគេ គឺការដកកងទ័ពរុស្ស៊ីចេញពីអ៊ុយក្រែន។ ប្រធានអត្តពលិកពិភពលោក លោក Seb Coe បាននិយាយកាលពីសប្តាហ៍មុនថា ជារឿងសាមញ្ញបំផុតគឺកងទ័ពរុស្ស៊ីត្រូវចាកចេញពីអ៊ុយក្រែន៕
អត្ថបទ៖ ប៊ុនថន