រដ្ឋាភិបាល​កុង​ហ្គោ​បង្កើន​ចំនួន​អ្នកស្លាប់​ក្នុងការ​សម្លាប់​រង្គាល​ដល់ ​២៧២​នាក់​

រដ្ឋាភិបាលកុងហ្គោបង្កើនចំនួនអ្នកស្លាប់ក្នុងការសម្លាប់រង្គាលដល់ ២៧២នាក់

កុងហ្គោ៖ សកម្មជនវ័យក្មេងច្រើននាក់មកពីចលនាពលរដ្ឋផ្សេងៗគ្នានៅទីក្រុង Goma ភាគខាងកើតសាធារណរដ្ឋប្រជាធិបតេយ្យកុងហ្គោបានមកជួបជុំគ្នាកាលពីថ្ងៃចន្ទ ដើម្បីរំលឹកដល់ជនស៊ីវិល ២៧២នាក់ដែលបានស្លាប់ក្នុងការសម្លាប់រង្គាលនៅទីក្រុង Kisishhe ភាគខាងកើតកាលពីសប្តាហ៍មុន។

បាតុករបានច្រៀងចម្រៀង អុជភ្លើងទៀន និងរាំដើម្បីគោរពវិញ្ញាណក្ខន្ធអ្នកស្លាប់។ ក្រុមអ្នកតវ៉ាមួយចំនួនកាន់ផ្ទាំងរូបភាព អំពាវនាវស្វែងរកយុត្តិធម៌ជូនជនរងគ្រោះដោយការសម្លាប់រង្គាល។ ក្រុមអ្នកតវ៉ានិយាយថា យើងមកសម្រាប់ការកាន់ទុក្ខរួមគ្នា ហើយយើងពិតជានឿយណាយ។ ចាប់តាំងពីកើតមក យើងតែងតែឃើញមានអសន្តិសុខនៅក្នុងសាធារណៈរដ្ឋកុងហ្គោ (DRC)។ យើងធំឡើងក្នុងភាពអសន្តិសុខជាបន្តបន្ទាប់។ រដ្ឋាភិបាលបានដាក់កំហុសការសម្លាប់រង្គាលលើក្រុមឧទ្ទាម M23 ដែលបានបដិសេធមិនទទួលខុសត្រូវ និងបាននិយាយថា ក្រុមឧទ្ទាមត្រូវបានគាំទ្រដោយសមាជិកកងទ័ពប្រទេសរវ៉ាន់ដា ជាការចោទប្រកាន់ញឹកញាប់ដោយរដ្ឋាភិបាលកុងហ្គោដែលប្រទេសរវ៉ាន់ដាបានបដិសេធ។

ការសម្លាប់រង្គាលដែលត្រូវបានគេចោទប្រកាន់បានកើតឡើងកាលពីថ្ងៃទី២៩ ខែវិច្ឆិកា នៅក្នុងក្រុង Kisishe ក្នុងខេត្ត North Kivu។ ចំនួនអ្នកស្លាប់ត្រូវបានប្រកាសដោយរដ្ឋមន្ត្រីឧស្សាហកម្មប្រទេសកុងហ្គោលោក Julien Paluku ដែលបាននិយាយនៅក្នុងសន្និសីទសារព័ត៌មានមួយ ជាមួយអ្នកនាំពាក្យរដ្ឋាភិបាលលោក Patrick Muyaya៕

អត្ថបទ៖ ប៊ុនថន