អាមេរិក៖ ទីភ្នាក់ងារអវកាសអាមេរិក បានបង្ហោះឧទ្ធម្ភាគចក្រខ្នាតតូចមួយគ្រឿង នៅលើភពព្រះអង្គារដោយជោគជ័យ។ យានដ្រូនដែលមានឈ្មោះថា Ingenuity បានហោះឡើងមិនដល់មួយនាទីផង ប៉ុន្តែអង្គការណាសាកំពុងតែអបអរសាទរ នូវអ្វីដែលតំណាងឲ្យការហោះហើរដែលគ្រប់គ្រងថាមពលដំបូងដោយយន្តហោះ នៅលើពិភពលោកមួយផ្សេងទៀត។
ការបញ្ជាក់នេះត្រូវបានធ្វើឡើងតាមរយៈផ្កាយរណបនៅភពព្រះអង្គារ ដែលបញ្ជូនទិន្នន័យរបស់ឧទ្ធម្ភាគចក្រត្រឡប់មកភពផែនដីវិញ។ ទីភ្នាក់ងារអវកាសនេះសន្យាថា នឹងមានការហោះហើរផ្សងព្រេងបន្ថែមទៀតក្នុងរយៈពេលប៉ុន្មានថ្ងៃខាងមុខ។ យានដ្រូន Ingenuity នឹងត្រូវបានបញ្ជាឱ្យហោះហើរនៅរយៈកម្ពស់ខ្ពស់ជាងនេះ និងទៅមុខបានឆ្ងាយជាងនេះ ខណៈដែលក្រុមវិស្វករព្យាយាមសាកល្បងដែនកំណត់នៃបច្ចេកវិទ្យានេះ។ ឧទ្ធម្ភាគចក្រនេះត្រូវបានបញ្ជូនទៅកាន់ភពព្រះអង្គារ តាមរយៈយានអវកាស Persaverance Rover របស់អង្គការណាសា ដែលបានចុះចតនៅលើចំណុចស្នាមប្រេះ ឬមាត់រណ្ដៅភ្នំឡើង Jezero នៅលើភពក្រហមកាលពីខែកុម្ភៈ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
