អ៊ុយក្រែន ៖ ប្រទេសអ៊ុយក្រែន ​កំពុង​ដាក់​សម្ពាធ​ជា​ថ្មី​ម្តង​ទៀតលើ​សម្ព័ន្ធ​មិត្តប្រទេស​លោក​ខាង​លិច​ឱ្យ​ជួយ​ទប់ទល់​ការវាយលុក​របស់​រុស្ស៊ី។ ក្រុមប្រទេសទាំងប្រាំពីរ បានឆ្លើយតបដោយសន្យាពង្រឹងការការពារដែនអាកាសរបស់អ៊ុយក្រែន និងជំរុញឱ្យទីក្រុងមូស្គូធ្វើការដើម្បីរកសន្តិភាព។ ប្រធានាធិបតី អ៊ុយ ក្រែន លោក Volodymyr Zelenskyy ​បាន​ស្នើ​សុំ​​ប្រព័ន្ធ​ការពារ​ដែនអាកាស កាំភ្លើងធំ និង​រ៉ុក្កែត​រយៈ​ចម្ងាយ​ឆ្ងាយ​បន្ថែម​ទៀត។ មេដឹកនាំ G7 បាននិយាយថា នឹងជួយអ៊ុយក្រែន ហើយចុងក្រោយ រុស្ស៊ីនឹងត្រូវសងសម្រាប់ការជួសជុលហេដ្ឋារចនាសម្ព័ន្ធសំខាន់ៗដែលត្រូវបានបំផ្លាញដោយសង្រ្គាមដ៏ឃោឃៅ របស់ខ្លួន។