​ភ្នំពេញ៖ នៅអាកាសយានដ្ឋានអន្តរជាតិភ្នំពេញ រសៀលថ្ងៃទី១៥ធ្នូនេះ កាកបាទក្រហមកម្ពុជា បានទទួ ល​វ៉ាក់សាំងកូវីដ-១៩ ប្រភេទស៊ីណូហ្វាម ចំនួន ៣០ម៉ឺនដូស ពីសមាគមជាតិកាកបាទក្រហមចិនលើកទី២។​ពិធីប្រគល់-ទទួល ជំនួយវ៉ាក់សាំងពីសមាគមជាតិកាកបាទក្រហមចិននេះ ក្រោមវត្តមានចូលរួមពីលោ ក​ជំទាវកិត្តិសង្គហបណ្ឌិត ឃួន សុដារី អនុប្រធានកាកបាទក្រហមកម្ពុជា និងជាតំណាងដ៏ខ្ពង់ខ្ពស់សម្តេ ច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា, ឯកឧត្ដមរដ្ឋមន្ត្រីក្រសួងសុខាភិបាល, ឯកឧត្តម ឆាំង ជាន (Chang Jian) អគ្គទីប្រឹក្សាស្ថានទូត នៃសាធារណរដ្ឋប្រជាមានិតចិនប្រចាំកម្ពុជា ព្រមទាំងថ្នាក់ដឹកនាំ និងមន្ត្រីកាកបាទក្រហមកម្ពុជានិងក្រសួងសុខាភិបាលមួយចំនួនទៀត។

ក្នុងពិធីនោះ ឯកឧត្តម ឆាំង ជាន អគ្គទីប្រឹក្សាស្ថានទូតចិនប្រចាំកម្ពុជា បានថ្លែងថា៖ ចិន និងកម្ពុជា គឺជាមិត្តដែកថែប និងជាសហគមន៍វាសនារួម ដែលតែងគាំទ្រនិងជួយគ្នាទៅវិញទៅមក។ ចាប់តាំងពីមា ន​ការផ្ទុះឡើងនូវជំងឺកូវីដ១៩មក ប្រជាជនចិន និងកម្ពុជាតែងរួមសុខទុក្ខជាមួយគ្នាជួយគ្នាទៅវិញទៅមក បង្កើតគំរូសម្រាប់កិច្ចសហប្រតិបត្តិការអន្តរជាតិក្នុងការប្រយុទ្ធប្រឆាំងជំងឺកូវីដ១៩។

ឯកឧត្ដមបន្ត ថា យើងមិនអាចបំភ្លេចបានទេ ក្នុងគ្រាដ៏លំបាកបំផុតដែលចិនកំពុងប្រយុទ្ធប្រឆាំងនឹងជំងឺកូវីដ១៩ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ និង សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ដែលព្រះអង្គទាំងទ្វេបានសព្វព្រះរាជហឫទ័យប្រោសព្រះរាជទានជំនួយដ៏ថ្លៃថ្លាដល់ភាគីចិន ហើយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានបំពេញទស្សនកិច្ចនៅប្រទេសចិននៅពេលមានព្រិលធ្លាក់យ៉ាងខ្លាំង បានបង្ហាញពីការគាំទ្រដល់ប្រជាជនចិនក្នុងការទប់ស្កាត់ជំងឺវីរុសកូវីដ១៩តាមរ យៈសកម្មភាពជាក់ស្តែង។ រដ្ឋាភិបាលចិនបានផ្តល់ជំនួយដល់កម្ពុជាជាសម្ភារទប់ស្កាត់ជំងឺយ៉ាងច្រើនព្រមទាំងបានបញ្ជូនក្រុមគ្រូពេទ្យជំនាញជាច្រើនមកកាន់កម្ពុជាផងដែរ។ ឯកឧត្ដមបន្ថែមថា ចំណងមិ ត្តភាព ជាប្រពៃណីរវាងចិន និងកម្ពុជា បានអភិវឌ្ឍន៍ថែមមួយកម្រិតទៀតក្រោយពីឆ្លងកាត់ការសាកល្បងនៃជំងឺឆ្លងរាលដាលនេះ។

យើងមានសេចក្តីសោមនស្សរីករាយដែលបានឃើញថា ក្រោមការដឹកនាំដ៏ឈ្លាសវៃរបស់សម្តេចតេ ជោ កម្ពុជាសម្រេចបានសមិទ្ធផលគួរឱ្យកត់សម្គាល់ក្នុងការប្រយុទ្ធប្រឆាំងនឹងជំងឺកូវីដ១៩ ហើយសេដ្ឋកិច្ចសង្គមក៏កំពុងតែអភិវឌ្ឍន៍ឡើងវិញជាបន្ដបន្ទាប់ ទទួលបានការកោតសរសើរពីប្រជាជនកម្ពុជានិងសហគមន៍អន្តរជាតិ។

ក្នុងពិធីនោះដែរ លោកជំទាវកិត្តិសង្គហបណ្ឌិត ឃួន សុដារី ក្នុងនាមកាកបាទក្រហមកម្ពុជា ដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងក្នុងនាមសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន មានក្តីសោមនស្សរីករាយ ដោយបានមកចូលរួមក្នុងពិធីប្រគល់-ទទួល ជាលើកទី២នេះនូវវ៉ាក់សាំងប្រភេទស៊ីណូហ្វាមចំនួន ៣០ម៉ឺនដូស ជាអំណោយរបស់សមាគមជាតិកាកបាទក្រហមចិន ជូនកាកបាទក្រហមកម្ពុជា។

លោកជំទាវបន្តថា ជំនួយមនុស្សធម៌ជាវ៉ាក់សាំងដ៏ប្រពៃថ្លៃថ្លាទាំងអស់ពីគ្រប់មជ្ឈដ្ឋាន ពិតជាពុំអាចកា ត់ថ្លៃបានឡើយ ហើយថែមទាំងបានគូសបញ្ជាក់ពីចំណងមិត្តភាព សហប្រតិបត្តិការ និងសាមគ្គីភាពរឹងមាំ ក្នុងស្មារតីជួយគ្នាទៅវិញទៅមក ក្នុងគ្រាដ៏សែនលំបាកនៃការដោះស្រាយបញ្ហាប្រឈមជាសកលមួយនេះ។