ភ្នំពេញ ៖ អនុគណៈកម្មការស្រង់ បូកពិន្ទុដោយកុំព្យូទ័រ កំពុងមានភាពមមាញឹកក្នុងការបំពេញភារកិច្ច ស្រង់ បូកពិន្ទុ ប្រកបដោយភាពស្ងប់ស្ងាត់ និងស្មារតីទទួលខុសត្រូវខ្ពស់ ដែលអាចធានាបាននូវការប្រឡងគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ដោយបន្ទប់នីមួយៗនៃការងារស្រង់ បូកពិន្ទុដោយកុំព្យូទ័រនេះ មានបំពាក់ដោយកាមេរ៉ាសុវត្ថិភាព ក្រោមការត្រួតពិនិត្យដោយអង្គភា ពប្រឆាំងអំពើពុករលួយ ហៅកាត់ A.C.U។ នេះបើតាមក្រសួងអប់រំ យុវជន និងកីឡា ផ្សព្វផ្សាយឱ្យដឹង នៅថ្ងៃទី១៩ ខែធ្នូ ឆ្នាំ២០២២។

ប្រភពដដែលបញ្ជាក់បន្ថែមថា ក្រសួងអប់រំ យុវជន និងកីឡា គ្រោងនឹងប្រកាសលទ្ធផលប្រឡងនៅថ្ងៃទី២៧ ខែធ្នូ ឆ្នាំ២០២២ សម្រាប់រាជធានីភ្នំពេញ និងខេត្តកណ្ដាល និងថ្ងៃទី២៨ ខែធ្នូ ឆ្នាំ២០២២ សម្រា ប់ខេត្តផ្សេងទៀត ព្រមទាំងមានផ្សាយ​នៅលើទំព័រហ្វេសប៊ុកផ្លូវការរបស់ក្រសួងផងដែរ៕

​

ដោយ៖ គង់ ឌិន