អន្ដរជាតិ៖ ក្រុមមន្រ្តីទីក្រុងគីវនិយាយថា រដ្ឋធានីប្រទេសអ៊ុយក្រែនមួយនេះ រងការវាយប្រហារ​នៅពេលយប់ដ៏កម្រ​ដោយ​រុស្ស៊ី ខណៈដែលលោកប្រធានាធិបតី Wladimir Putinបំពេញទស្សនកិច្ចទៅកាន់ប្រទេសជិតខាងបេឡារុស។

គ្មាននរណាម្នាក់ បានស្លាប់នោះទេ ហើយ​ភាគច្រើននៃមីស៊ីល ត្រូវបានបាញ់ទម្លាក់​ តែមីស៊ីលមួយចំនួន បានធ្លាក់ត្រូវហេដ្ឋារចនាសម្ព័ន្ធ​យ៉ាង​ធ្ងន់ធ្ងរ​ បណ្តាល​ឲ្យ​ដាច់ចរន្តអគ្គិសនី​នៅទូទាំងតំបន់។ រូបភាពដែលបានបង្ហោះនៅលើអនឡាញ ឃើញក្រុមភ្នាក់ងារពន្លត់អគ្គិភ័យកំពុងពន្លត់ភ្លើង​នៅរោងចក្រ​ថាមពល​អគ្គិសនីមួយកន្លែង៕