ប៉ាគីស្ថាន៖ ហេតុការណ៍បំផ្ទុះគ្រាប់បែក នៅក្នុងសណ្ឋាគារប្រណីតមួយកន្លែងស្ថិតនៅក្នុងទីក្រុងក្វេតា ប្រទេសប៉ាគីស្ថាន បានសម្លាប់មនុស្សយ៉ាងហោច ៤នាក់ និង ១១នាក់ផ្សេងទៀតរងរបួស។ ក្រុមអ្នកឆ្លើយឆ្លងព័ត៌មានបានឲ្យដឹងថា ឯកអគ្គរដ្ឋទូតចិនប្រចាំនៅប៉ាគីស្ថានត្រូវបានគេសង្ស័យថា ក្លាយជាគោលដៅនៃការវាយប្រហារនៅចំណតរថយន្ត ក្នុងសណ្ឋាគារសេរ៉េណា។
លោកស្ថិតនៅទីក្រុងក្វេតា ដែលជារដ្ឋធានីខេត្តបាឡូឈីស្ថានជិតព្រំដែនអាហ្វហ្គានីស្ថាន ប៉ុន្តែលោកគ្មានវត្តមាននៅកន្លែងកើតហេតុនោះទេនៅពេលនោះ។ ក្រុមឧទ្ទាមតាលីបង់បានប្រកាសទទួលស្គាល់ ការវាយប្រហារមួយនេះដោយពួកគេអះអាងថា វាគឺជាការវាយប្រហារដោយអត្តឃាត។ សូមបញ្ជាក់ថា ក្នុងរយៈពេលប៉ុន្មានខែចុងក្រោយនេះ ក្រុមឧទ្ទាមតាលីបង់ និងក្រុមជីវពលផ្សេងទៀត បានបង្កើនការវាយប្រហាររបស់ពួកគេនៅតាមតំបន់កុលសម្ព័ន្ធ ជិតព្រំដែនអាហ្វហ្គានីស្ថាន៕
អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
