អន្ដរជាតិ៖ ការប៉ុនប៉ងលើកដំបូងក្នុងការបាញ់បង្ហោះផ្កាយរណបចេញពីអឺរ៉ុបខាងលិច បានខកខាននៅព្រឹកថ្ងៃអង្គារនេះ ពេល​ដែល​ក្រុមហ៊ុនបង្ហោះផ្កាយរណប Virgin Orbit រាយការណ៍ថា ភាពមិនប្រក្រតី បានការពាររ៉ុក្កែតរបស់ខ្លួន​ពីការហោះ​ចូល​ក្នុងគន្លងតារាវិថី។    

បេសកកម្មនេះ បានចាកចេញពីទីក្រុងតំបន់ឆ្នេរ Newquay ស្ថិតនៅភាគនិរតី​ប្រទេសអង់គ្លេស ពេលដែល​រ៉ុក្កែត LauncherOne ​របស់ក្រុមហ៊ុន Virgin Orbit ភ្ជាប់នៅពីក្រោមស្លាបយន្តហោះ Boeing 747 រួចទម្លាក់ខ្លួន​ចេញ​នៅពីលើ​មហាសមុទ្រ​អាត្លង់ទិក។ ប្រធានគ្រប់គ្រងប្រព័ន្ធវីស្វកម្ម​ និងការផ្ទៀងផ្ទាត់​របស់ក្រុមហ៊ុន Virgin Orbit បាននិយាយ​អំឡុងពេលផ្វាយផ្ទាល់​បេសកកម្មនេះថា វាទំនងជាការបាញ់បង្ហោះផ្កាយរណបនេះ ទទួលរងភាពមិនប្រក្រតីដែលធ្វើឲ្យពួកយើង​មិនអាច​ហោះ​ចូល​ក្នុងគន្លងតារាវិថីបានសម្រាប់បេសកម្មមួយនេះ៕