ភ្នំពេញ ៖ សិស្ស និស្សិត សាធារណជនរាប់ពាន់នាក់ ចូលរួមអបអរសាទរពិធីសប្បុរសធម៌លើកទី ១២ និងពិធីគម្រប់ខួប ៦៣ឆ្នាំ នៃការបង្កើតសាកលវិទ្យាល័យភូមិន្ទភ្នំពេញ នាថ្ងៃទី ១៣ ខែមករា ឆ្នាំ ២០២៣ ។

ពិធីសប្បុរសធម៌លើកទី១២ ធ្វើឡើងរយៈពេល៣ថ្ងៃ ចាប់ពីថ្ងៃទី១៣-១៥ ខែមករាឆ្នាំ២០២៣ ដែលត្រូវ​បានរៀបចំនៅ​ក្នុងបរិវេណ​សាកលវិទ្យាល័យភូមិន្ទភ្នំពេញ ដោយមានការរៀបចំស្ដង់ម្ហូបអាហារ ស្ដង់វត្ថុអនុស្សាវរីយជាច្រើន ព្រមទាំងមានការប្រគុំតន្រ្តី ដែលមានសិល្បករ សិល្បការិនី ចូលរួមសម្ដែងជាច្រើនរូប។

សាកលវិទ្យាល័យភូមិន្ទភ្នំពេញ គឺជាសាកលវិទ្យាល័យជាតិឈានមុខគេ និងធំជាងគេនៅកម្ពុជា ដែលត្រូវបានបង្កើតឡើង នាថ្ងៃទី ១៣ ខែមករា ឆ្នាំ ១៩៦០ ក្នុងសម័យរាស្ត្រនិយម។ ជាង ៦ ទសវត្សរ៍កន្លងទៅនេះ គ្រឹះស្ថានឧត្តមសិក្សាមួយនេះ នៅតែរក្សាបាននូវកិត្តិនាម​ដ៏ល្បីល្បាញនៅក្នុងប្រទេស តាមរយៈការបណ្ដុះបណ្ដាលធនធានមនុស្សជាច្រើនជំនាញ ដើម្បីកសាងកម្លាំងបញ្ញវន្ត​ចេញទៅបម្រើការងារនៅក្នុងសង្គម៕ ដោយ ៖ សុជាតា