អ៊ុយក្រែន ៖ មនុស្ស១៨នាក់ រួមទាំងរដ្ឋមន្រ្តីក្រសួងមហា​ផ្ទៃអ៊ុយ​ក្រែននិង​ក្រុម​មន្រ្តី​ជាន់​ខ្ពស់​ជា​ច្រើន​រូប​ទៀត​បាន​ស្លាប់​ពេល​ដែល​ឧទ្ធម្ភាគចក្រ​បាន​ធ្លាក់​នៅ​ក្រៅ​ទី​ក្រុងគីវ។

អភិបាលក្រុងគីវនិយាយនៅមុននេះបន្តិចថាឧទ្ធម្ភាគចក្រ​មួយ​គ្រឿង​បានធ្លាក់​នៅជិត​អគារ​មតេយ្យសិក្សានិង អគារអ្នកស្រុកនៅជិតទីក្រុងBrovary។

ពុំទាន់មានរឿងរ៉ាវលម្អិតភ្លាមៗនោះទេពីមូលហេតុដែលនាំឲ្យធ្លាក់ឧទ្ធម្ភាគចក្រ។

ក្រុមមន្រ្តីអះអាងថាកុមារ ២នាក់ស្ថិតនៅក្នុងចំណោមអ្នកស្លាប់ហើយ មនុស្ស ២៩នាក់ បានរងរបួសក្នុងនោះក៏មាន កុមារ ១៥នាក់ផងដែរ។អគ្គស្នងការនគរបាលជាតិអ៊ុយក្រែន

លោក IgorKlimenko និយាយថារដ្ឋមន្រ្តីក្រសួងមហាផ្ទៃលោកDenys Monastyrskyi លោកអនុរដ្ឋមន្រ្តីYevhenYenin និងរដ្ឋមន្រ្តីក្រសួងការបរទេសលោកYurii Lubkovych ស្ថិត​ក្នុង​ចំណោម​អ្នក​ស្លាប់។

ចំណែកឯបំណែកឧទ្ធម្ភាគចក្រ បានរាយប៉ាយ​នៅខាង​ក្រៅអគារ​កំពុងឆាប​ឆេះនិងអគ្គិភ័យ​នៅជិត​អគារមតេយ្យសិក្សាខណៈ ដែលក្មេងៗ និង បុគ្គលិកត្រូវបានជម្លៀសចេញពីអគារ៕ ដោយ ៖ សារ៉ាត់