ការប្រកាសអាសន្នការវាយឆ្មក់តាមអាកាសបានបន្លឺឡើងនៅទូទាំងប្រទេសអ៊ុយក្រែនកាលពីថ្ងៃសុក្រ ខណៈមេដឹកនាំសហភាពអឺរ៉ុបកំពុងស្ថិតនៅក្នុងរដ្ឋធានីប្រទេសអ៊ុយក្រែន ដើម្បីពិភាក្សាអំពីការដាក់ទណ្ឌកម្មបន្ថែមទៀតលើរុស្ស៊ីនិងអនាគតរបស់អ៊ុយក្រែនក្នុងការចូលរួមក្នុងប្លុកអឺរ៉ុប ជាមួយប្រធានាធិបតី លោក Volodymyr Zelenskyy ។

ប្រធានគណៈកម្មការប្រតិបត្តិរបស់សហភាពអឺរ៉ុប និងជាប្រធានមេដឹកនាំបណ្តាប្រទេសសហភាពអឺរ៉ុបទាំង ២៧ បានធ្វើដំណើរទៅកាន់ទីក្រុងគីវ ដើម្បីបង្ហាញពីការគាំទ្រសម្រាប់អ៊ុយក្រែន ខណៈជិតដល់ខួបមួយឆ្នាំ នៃការវាយលុករបស់រុស្ស៊ីលើប្រទេសជិតខាងនៅថ្ងៃទី ២៤ ខែកុម្ភៈ ឆ្នាំ ២០២៣ ។

ប្រធានសហភាពអឺរ៉ុប លោក Charles Michel បានសរសេរនៅលើបណ្តា Twitter កាលពីថ្ងៃសុក្រថា «វានឹងពុំមានការបោះបង់ក្នុងការតាំងចិត្តរបស់យើងនោះទេ យើងនឹងគាំទ្រអ្នករាល់ជំហានក្នុងការធ្វើដំណើររបស់អ្នកចូលទៅកាន់សហភាពអឺរ៉ុប។

ពុំ​មាន​របាយការណ៍​ភ្លាមៗ​អំពី​ការ​វាយ​ប្រហារ​ដោយមីស៊ីល​ថ្មីនោះទេ ​បន្ទាប់​ពី​ការ​ព្រមាន​ពី​ការ​វាយ​ប្រហារតាម​អាកាស។ ជាមួយគ្នានេះ លោក Zelenskyy កំពុងអំពាវនាវឱ្យមានវិធានការដាក់ទណ្ឌកម្មបន្ថែមទៀតលើប្រទេសរុស្ស៊ីដោយសហភាពអឺរ៉ុប ប៉ុន្តែទណ្ឌកម្មថ្មីដែលប្លុកនេះកំពុងរៀបចំសម្រាប់ខួប នៃការវាយលុកត្រូវបានកំណត់ថាមិនសមស្របនឹងការទាមទាររបស់រដ្ឋាភិបាលលោក។

ទីក្រុង Kyiv បាន​ដាក់ពាក្យស្នើសុំ​ចូលទៅ​ក្នុង​ប្លុកនេះ​ប៉ុន្មាន​ថ្ងៃ​បន្ទាប់​ពី​រុស្ស៊ី​បាន​វាយលុកលើអ៊ុយក្រែន​កាល​ពី​ឆ្នាំ​មុន។ សហភាពអឺរ៉ុបបានទទួលយកពាក្យស្នើសុំនេះ ទោះបីជាខ្លួនបានច្រានចោលការអំពាវនាវរបស់អ៊ុយក្រែនឱ្យពន្លឿនសមាជិកភាពរបស់ខ្លួនក៏ដោយ ខណៈប្រទេសនេះកំពុងមានសង្រ្គាម។