អន្ដរជាតិ៖ អ្នកវិភាគមួយរូបនិយាយនៅថ្ងៃអង្គារនេះថា ទីក្រុងប៉េកាំង និងទីក្រុងវ៉ាស៊ីងតោន នឹងចំណេញតាមរយៈធ្វើឲ្យមានស្ថិរភាពទំនាក់ទំនងការទូតរបស់ពួកគេ និងចេះគ្រប់គ្រងស្ថានការដោយខ្លួនឯង ពាក់ព័ន្ធនឹងការបាញ់ទម្លាក់បាឡុងចារកម្ម។
អំឡុងបទសម្ភាសន៍ជាមួយទីភ្នាក់ងារព័ត៌មានរ៉យទ័រ លោក Drew Thompson គឺជាអ្នកវិភាគមួយរូបនៅសាលាគោលនយោបាយសាធារណៈ NUS Lee Kuan Yew School និយាយថា ការពន្យាពេលដំណើរទស្សនកិច្ចរបស់រដ្ឋមន្រ្តីការបរទេសសហរដ្ឋអាមេរិកលោក Antony Blinken ទៅកាន់ប្រទេសចិន គឺជារឿងគួរឲ្យសោកស្តាយខ្លាំងណាស់ ប៉ុន្តែ លោកនៅតែមានជំនឿចិត្តថា ដំណើរទស្សនកិច្ចមួយនេះ នឹងរៀបចំកំណត់កាលបរិច្ឆេតឡើងវិញ ហើយទំនាក់ទំនងការទូតប្រទេសទាំង ២ នឹងវិលត្រឡប់ទៅរកសភាពដើមវិញ៕