អន្ដរជាតិ៖ របាយការណ៍ពីក្រុមស្រាវជ្រាវអភិរក្សធម្មជាតិ NatureServe បានឲ្យដឹងថា ៣៤ភាគរយនៃរុក្ខជាតិ និង៤០ភាគរយ ​នៃ​សត្វ​នៅសហរដ្ឋអាមេរិក កំពុងប្រឈមនឹងការផុតពូជ ស្របពេលដែល​ ៤១ភាគរយ នៃប្រព័ន្ធអេកូឡូស៊ី ប្រឈមនឹង​ការ​បាត់​បង់​​ទាំងស្រុង ។ របាយការណ៍នេះ បញ្ជាក់ថា ពេលដែលអ្នកមានទីជម្រក និងពពួកសត្វចាប់ផ្តើមផុតពូជ ឬ​ប្រហែលជាធ្លាក់ចុះចំនួន ទីបញ្ចប់វានឹងធ្វើឲ្យទីជម្រកបាត់បង់ទាំងស្រុង។ ពពួកសត្វចាប់ពីបង្កងទឹកសាប និងពពួករុក្ខជាតិជានិមិត្តរូបសហរដ្ឋអាមេរិកដូចជា រុក្ខជាតិ Venus កំពុងស្ថិតក្នុង​គ្រោះ​ថ្នាក់នៃការផុតពូជ៕