ភ្នំពេញ៖ ប្រតិភូក្រសួងអប់រំ យុវជន និងកីឡា ដឹកនាំដោយ ឯកឧត្តម ពិត ចំណាន រដ្ឋលេខាធិការប្រចាំការ ក្រសួងអប់រំ យុវជន និងកីឡា បានអញ្ជើញចូលរួមក្នុងសន្និសីទក្រុមប្រឹក្សារដ្ឋមន្ត្រីអប់រំអាស៊ីអាគ្នេយ៍លើកទី ៥២ និងកិច្ចសន្ទនាយុទ្ធសាស្ត្រសម្រាប់រដ្ឋមន្ត្រីអប់រំលើកទី៦ នៅទីក្រុងម៉ានីឡា ប្រទេសហ្វីលីពីន ចាប់ពីថ្ងៃទី៨ ដល់ថ្ងៃទី១០ ខែកុម្ភៈ ឆ្នាំ២០២៣នេះ។

កម្មវិធីនេះមានការចូលរួមពីសំណាក់រដ្ឋមន្ត្រី ឧត្តមមន្ត្រី និងមន្ត្រីបង្គោលនៃប្រទេសជាសមាជិកស៊ីមេអូ ទាំង១១ប្រទេស។ ដោយឡែកកិច្ចសន្ទនាបានផ្ដោតលើយុទ្ធសាស្ត្រ និងសកម្មភាពអាទិភាពក្នុងការដោះស្រាយបញ្ហាសិក្សាកម្រិតមូលដ្ឋាន និងការសិក្សាពេញមួយជីវិតក្នុងបរិបទឌីជីថល។

ឯកឧត្តមរដ្ឋលេខាធិការ បានចូលរួមចែករំលែកក្នុងកិច្ចសន្ទនានេះផ្ដោតលើ ៥ ចំណុច គឺ ទី១ យុទ្ធសាស្ត្រលើកកម្ពស់ការសិក្សាកម្រិតមូលដ្ឋាន ទី២ ការសិក្សាពេញមួយជីវិត ទី៣ ការអប់រំស្ទែម ទី៤ បញ្ហាប្រឈមក្នុងការអនុវត្តគោលនយោបាយ និងដំណោះស្រាយ និង ទី៥ កិច្ចសហការក្នុងចំណោមប្រទេសជាមាជិកស៊ីមេអូ។

ជាលទ្ធផល សន្និសីទក្រុមប្រឹក្សារដ្ឋមន្ត្រីអប់រំអាស៊ីអាគ្នេយ៍លើកទី៥២ បានអនុម័តសេចក្តីថ្លែងការណ៍នៃកិច្ចសន្ទនាយុទ្ធសាស្ត្រទី៦ និងប្តេជ្ញាចិត្តបំពេញនូវសកម្មភាពរបស់ក្រុមប្រឹក្សារដ្ឋមន្ត្រីអប់រំអាស៊ីអាគ្នេយ៍។

គួរបញ្ជាក់ថា សន្និសីទក្រុមប្រឹក្សារដ្ឋមន្ត្រីអប់រំអាស៊ីអាគ្នេយ៍លើកទី៥២នេះ នឹងប្រព្រឹត្ត៕