អាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken បាននិយាយកាលពីថ្ងៃពុធថា សហរដ្ឋអាមេរិកបានចែករំលែកព័ត៌មានដែលខ្លួនទទួលបាន អំពីបាឡុងចារកម្មរបស់ចិនជាមួយប្រទេសជាច្រើនជុំវិញពិភពលោក ជាព័ត៌មានដែលសហរដ្ឋអាមេរិកនិយាយថា វាពុំមែនជាបាឡុងសម្រាប់អាកាសធាតុដូចដែលទីក្រុងប៉េកាំងបានអះអាងនោះទេ ប៉ុន្តែជានាវាអាកាសប្រើសម្រាប់ចារកម្ម។ យើងកំពុងទទួលបានព័ត៌មានបន្ថែម ខណៈយើងបន្តធ្វើការដើម្បីស្រង់យកបាឡុង។
យើងនឹងដឹងពីបាឡុងនេះ ហើយយើងក៏កំពុងទទួលបានពីអ្វីដែលយើងបានឃើញ នៅពេលដែលបាឡុងឆ្លងកាត់សហរដ្ឋអាមេរិក។ សហរដ្ឋអាមេរិកបានធ្វើសន្និសីទនៅទីក្រុងវ៉ាស៊ីនតោន និងទីក្រុងប៉េកាំងកាលពីដើមសប្តាហ៍នេះ អំពីបាឡុងដែលខ្លួនបានបាញ់ទម្លាក់នៅជិតឆ្នេរសមុទ្ររដ្ឋ South Carolina កាលពីចុងសប្តាហ៍ ហើយបានបង្ហាញការរកឃើញរបស់ខ្លួនទៅកាន់អ្នកការទូតបរទេសប្រមាណ ១៥០នាក់នៅទូទាំង ៤០ប្រទេស។ លោក Blinken ដែលបានផ្អាកដំណើរទស្សនកិច្ចទៅប្រទេសចិន ដោយសារឧបទ្ទវហេតុនេះបាននិយាយថា បាឡុងចារកម្មរបស់ចិនបានហោះឆ្លងកាត់ប្រទេសមួយចំនួនទៀតផងដែរ។
សហរដ្ឋអាមេរិកពុំមែនជាគោលដៅតែមួយគត់នៃកម្មវិធីនេះទេ ដែលបានរំលោភលើដែនអធិបតេយ្យភាពនៃប្រទេសនានានៅទូទាំងទ្វីបចំនួនប្រាំ។ នៅក្នុងសន្និសីទសារព័ត៌មានជាមួយលោក Blinken អគ្គលេខាធិការសម្ព័ន្ធយោធាណាតូលោក Jens Stoltenberg បាននិយាយថា ឧប្បត្តិហេតុនេះបញ្ជាក់ពីគំរូនៃអាកប្បកិរិយាដែលបង្ហាញដោយប្រទេសចិន។ ដូច្នេះយើងត្រូវតែមានការប្រុងប្រយ័ត្ន។ យើងត្រូវដឹងពីហានិភ័យនៃចារកម្មចិន ហើយបង្កើននូវអ្វីដែលយើងធ្វើដើម្បីការពារខ្លួន៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
