អន្ដរជាតិ៖ រដ្ឋាភិបាលចិន បានចៀសវាងការប្រកាន់ភ្ជាប់គោលជំហរច្បាស់លាស់លើសង្រ្គាមរុស្ស៊ី​នៅអ៊ុយក្រែន ប៉ុន្តែ​ឯកអគ្គរដ្ឋ​ទូត​ចិន​ប្រចាំនៅសហភាពអឺរ៉ុប បានបង្ហាញនូវក្តីកង្វល់កាលពីថ្ងៃពុធពីការគាំទ្ររបស់លោកខាងលិចសម្រាប់ទីក្រុងគីវ។

លោក Fu Cong គឺជាប្រេសិតពិសេសប្រចាំនៅសហភាពអឺរ៉ុប និយាយនៅទីក្រុងព្រុចសែល ប្រទេសបែលហ្ស៊ិកថា និយាយតាមត្រង់ ពួកយើងពិតជាព្រួយបារម្ភមែនចំពោះលទ្ធភាពនៃការឡើងកម្តៅជម្លោះមួយនេះ។ លោកថា ចិនមិនជឿថា​ ការផ្តល់អាវុធនឹងអាចដោះស្រាយបញ្ហាបាននោះទេ។ ពួកយើងព្រួយបារម្ភមែនចំពោះ​អ្នកដែលនិយាយពីការឈ្នះសង្រ្គាមនៅលើសមរភូមិប្រយុទ្ធ ហើយយើងជឿថា កន្លែងត្រឹមត្រូវ គឺមានតែនៅលើតុចរចា​មួយ​ប៉ុណ្ណោះ៕