ទួរគី៖ សាកសពជនរងគ្រោះរាប់សិបនាក់នៅក្នុងទីក្រុង Reyhanli ប្រទេសទួរគី បាននាំយកមកដល់ក្បែរទីបញ្ចុះសពមួយកន្លែងកាលពីថ្ងៃអាទិត្យ ជាកន្លែងដែលអ្នកនៅរស់រានមានជីវិតពីគ្រោះរញ្ជួយដីនៅស៊ីរីកាលពីសប្តាហ៍មុន បានរង់ចាំកប់មនុស្សជាទីស្រលាញ់របស់ពួកគេ។
អ្នករស់រានមានជីវិតពីរញ្ជួយដីម្នាក់ លោកAbdelazeem Ibrahim ដែលបានស្ម័គ្រចិត្តជួយដល់គ្រួសារជាច្រើនក្នុងការរៀបចំការបញ្ចុះសពបាននិយាយថា គ្រួសារខ្លះមានអ្នកនៅរស់រានមានជីវិតតែម្នាក់ឯងគត់។ នៅក្នុងទីបញ្ចុះសព រថយន្តដឹកសពបានមកដល់ ដែលសាកសពត្រូវបានរុំដោយភួយ ឬដាក់ក្នុងមឈូស។ នៅក្នុងប្រទេសស៊ីរី គ្រោះមហន្តរាយបានវាយប្រហារខ្លាំងបំផុតនៅភាគពាយព្យប្រទេសដែលគ្រប់គ្រងដោយក្រុមឧទ្ទាម បណ្តាលមនុស្សជាច្រើននាក់បាត់បង់លំនៅឋានជាលើកទីពីរ បន្ទាប់ពីពួកគេត្រូវបានភៀសខ្លួនចេញពីទីលំនៅ ដោយសង្គ្រាមស៊ីវិលរយៈពេលមួយទសវត្សរ៍មកនេះ ទោះបីជាតំបន់នេះបានទទួលជំនួយតិចតួច បើប្រៀបធៀបទៅនឹងតំបន់គ្រប់គ្រងដោយរដ្ឋាភិបាលក៏ដោយ៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
