ឥណ្ឌូនេស៊ី ៖ កាលពីថ្ងៃអង្គារម្សិលមិញ ក្រុមឧទ្ទាម​នៅតំបន់ផ្តាច់ខ្លួនប៉ាពួ ប្រទេសឥណ្ឌូនេស៊ី បានបញ្ចេញរូបភាពហ្វិក និងរូបភាព​វីដេអូ​ឃ្លីបបង្ហាញពីឡុតយន្តហោះនូវែលសេឡង់ដែលពួកគេចាប់ធ្វើជាចំណាប់ខ្មាំងកាលពីសប្តាហ៍មុន មានសុខភាព​ល្អ ប៉ុន្តែ​​ពួកគេនិយាយថា ពួកគេមិនព្រមដោះលែងរូបគាត់ជាដាច់ខាតរហូតដល់ក្រុមអាជ្ញាធរទទួលស្គាល់ឯករាជ្យតំបន់​របស់ពួកគេ ។ គួរឲ្យដឹងថា លោក Philip Mehrtensដែលបើកយន្តហោះប្រតិបត្តិការដោយក្រុមហ៊ុនអាកាសចរណ៍ Susi Air ត្រូវ​បានចាប់ជម្រិតដោយក្រុមប្រយុទ្ធមកពីកងទ័ពរំដោះជាតិប៉ាពួខាងលិច កាលពីសប្តាហ៍មុន ក្រោយ​ចុះចតនៅតំបន់ដាច់​ស្រយាល Nduga ៕