ស៊ីរី៖ ក្បួនរថយន្តដឹកជំនួយឆ្លងកាត់តំបន់ជួរមុខក្នុងប្រទេសស៊ីរី ដើម្បីទៅដល់ភាគពាយ័ព្យគ្រប់គ្រងដោយក្រុមឧទ្ទាម ដែលប្រជាជនស៊ីរីភាគច្រើនបានស្លាប់ដោយការរញ្ជួយដី វាយប្រហារកាលពីជាងមួយសប្តាហ៍កន្លងទៅនេះ ប៉ុន្តែទីតាំងសង្គ្រាមស៊ីវិលបានរារាំងដល់កិច្ចខិតខំប្រឹងប្រែងផ្តល់ជំនួយសង្គ្រោះ។
វាជាគំរូដ៏កម្រមួយនៃការផ្តល់ជំនួយដែលត្រូវបានអនុញ្ញាត តាមរយៈកងកម្លាំងសម្ព័ន្ធមិត្តជាមួយប្រធានាធិបតីស៊ីរី លោក Bashar al-Assad។ អង្គការសហប្រជាជាតិបាននឹងកំពុងជំរុញឱ្យមានជំនួយឆ្លងកាត់តំបន់សមរភូមិដែលជាប់គាំង និងចំណុចព្រំដែនដែលបានបិទចូលទៅក្នុងទឹកដី ដែលរួមមានផ្នែកនៃខេត្ត Idlib និង Aleppo។ ពេលនេះនៅទីបំផុតមានសញ្ញានៃការផ្លាស់ប្តូរធ្វើឡើងដោយទីក្រុង Damascus។ ដោយត្រុវបានរៀបចំដោយកុលសម្ព័ន្ធអារ៉ាប់ក្នុងតំបន់ដ៏មានឥទ្ធិពល រថយន្តដឹកទំនិញដែលមានដឹកភួយ ស្បៀងអាហារ គ្រឿងផ្គត់ផ្គង់ផ្នែកពេទ្យ និងតង់បានឆ្លងកាត់តំបន់នេះពេញមួយយប់។ យុទ្ធនាការនេះគឺសម្រាប់ប្រជាជនទាំងអស់នៅទីនោះ នៅភាគខាងជើងប្រទេសស៊ីរី វានឹងពុំមានការរើសអើងនោះទេ ហើយវាក៏ពុំមែនជាយុទ្ធនាការចុងក្រោយនោះដែរ មានយុទ្ធនាការជាច្រើនទៀតនៅច្រកឆ្លងកាត់។
អង្គការសហប្រជាជាតិនិយាយថា បានបញ្ជូនក្បួនរថយន្តដឹកជំនួយដំបូងរបស់ខ្លួន ចូលឆ្លងកាត់ដែលបានបញ្ជូនរថយន្តដឹកទំនិញជាង ៥០គ្រឿង ទោះបីជាមិនបានបញ្ជូនជំនួយសម្រាប់ថ្ងៃដំបូងបន្ទាប់ពីការរញ្ជួយដីក៏ដោយ ដោយលើកឡើងពីបញ្ហាក្នុងការដឹកជញ្ជូន។ មនុស្សប្រហែល ៤លាននាក់នៅតំបន់រងគ្រោះរញ្ជួយដី ត្រូវការជំនួយមនុស្សធម៌យ៉ាងខ្លាំងសូម្បីតែមុនពេលរញ្ជួយដីក៏ដោយ។ អង្គការវ៉ាយ ហែលម៉េត (White Helmets) របស់ប្រទេសស៊ីរី ដែលជាអង្គការជួយសង្គ្រោះធ្វើការតែនៅក្នុងតំបន់ប្រឆាំងបាននិយាយថា ជីវិតមនុស្សកាន់តែច្រើនអាចត្រូវបានសង្គ្រោះនៅក្នុងប្រទេសស៊ីរី ប្រសិនបើពិភពខាងក្រៅធ្វើសកម្មភាពបានលឿនជាងនេះ។ រហូតមកដល់ពេលនេះចំនួនអ្នកស្លាប់ដោយរញ្ជួយដី ដែលបានវាយប្រហារនៅប្រទេសទាំង២ ទួរគី និងស៊ីរីបានកើនឡើងដល់ជាង ៤១,០០០នាក់៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
