អន្ដរជាតិ៖ អ្នកតំណាងរុស្ស៊ីប្រចាំនៅអង្គការសហប្រជាជាតិ(U.N) និយាយប្រាប់មហាសន្និបាត U.Nថា លោកខាងលិច បាន​ត្រៀម​ខ្លួនរួចរាល់ក្នុងការរុញទម្លាក់ពិភពលោកទាំងមូល ឲ្យធ្លាក់ចូលទៅក្នុងជ្រោះសង្រ្គាម ដោយសារការគាំទ្រអ៊ុយក្រែន​របស់​ពួកគេ។

អំឡុងជំនួបកម្រិតខ្ពស់ អ្នកតំណាងអចិន្រ្តៃយ៍រុស្ស៊ីនៅ U.N លោក Vasily Nebenzya បាននិយាយការពារដល់​គោល​​ជំហរ​របស់ទីក្រុងម៉ូស្គូ។ លោក Nebenziaបាននិយាយប្រាប់មហាសន្និបាត U.N ដែលមានសមាជិក ១៩៣ប្រទេស​ថា លោកខាងលិច​ពុំបាន​ខ្វាយខ្វល់ពីក្តីកង្វល់របស់រុស្ស៊ីនោះឡើយ ហើយពួកគេនៅតែបន្តធ្វើឲ្យហេដ្ឋារចនា​សម្ព័ន្ធយោធា​អង្គការណាតូ រំកិលកាន់​តែ​ខិត​ជិត​ព្រំដែន​របស់ពួកយើង៕