ភ្នំពេញ៖ នៅថ្ងៃទី២៤ ខែ កុម្ភៈនេះ រដ្ឋបាលរាជធានីភ្នំពេញ អាជ្ញាធរមូលដ្ឋាន ពលរដ្ឋ និងសិស្សានុសិស្ស បានសហការរៀបចំកម្មវិធីអបអរសាទរទិវាជាតិទីក្រុងស្អាត ២៧ កុម្ភៈ លើកទី១១ ក្រោមប្រធានបទ ៖ ទីក្រុងស្អាត បដិសណ្ឋារកិច្ចល្អ ម្ចាស់ផ្ទះកម្ពុជា ផ្តល់ភាពកក់ក្តៅ នៅបរិវេណវិមានឈ្នះ ឈ្នះ ។

ក្នុងកម្មវិធីនេះ ឯកឧត្តម ហួត ហៃ បានអំពាវនាវអាជ្ញាធរមូលដ្ឋាន និងពលរដ្ឋបង្កើនការសម្អាតបរិស្ថាន ត្រៀមទទួលភ្ញៀវSEA GAMES។

ឯកឧត្តម ហួត ហៃ អភិបាលរងរាជធានីភ្នំពេញ បានថ្លែងថា ការរួមគ្នាសម្អាតបរិស្ថាន ការមិនចោលសំរាមពាសវាលពាសកាល និងផ្តល់ស្នាមញញឹមរាក់ទាក់ គឺជាការត្រៀមទទួលភ្ញៀវអន្តរជាតិមកទស្សនាកម្ពុជា និងការមកទស្សនាការប្រកួតកីឡាSEA GAMESនិងPARA GAMES នៅកម្ពុជាប្រកបភាពកក់ក្តៅទាក់ទាញ។

អាជ្ញាធរមូលដ្ឋាន និងពលរដ្ឋបានថ្លែងថា តាមរយៈការថ្ងៃ​ប្រារព្ធ​ទិវាជាតិទីក្រុងស្អាតនេះ អាជ្ញាធរ​មូលដ្ឋាន និងពលរដ្ឋបានថ្លែងថា​ បច្ចុប្បន្នយើងទាំងអស់គ្នា កំពុងរួមសហការគ្នាយ៉ាងយកចិត្ត​ទុកដាក់ សម្អាតបរិស្ថានជុំវិញខ្លួនយើង ​ដោយគិតចាប់ចេញពីផ្ទះ ​តាមផ្លូវសាធារណៈ និងនៅកន្លែង​ធ្វើការងារផ្សេងៗ ឲ្យបានស្អាត ហើយយើងក៏សូមអំពាវនាវពលរដ្ឋដទៃ រួមគ្នាសម្អាតបរិស្ថាន កុំចោលសំអាត ឥតសណ្តាប់ធ្នាប់ ដែលនាំឲ្យពិបាកសម្អាត។

ឯកឧត្តម ម៉ម វាសនា ទីប្រឹក្សាក្រសួងទេសចរណ៍ និងជាប្រធានមន្ទីរទេសចរណ៍រាជធានីភ្នំពេញ បានអានសារលិខិត ទិវាជាតិទីក្រុងស្អាតលើកទី១១ ឆ្នាំ ២០២៣​ របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ​ហើយក្នុងសារនោះ សម្តេចតេជោ បានស្នើរួមគ្នាសម្អាតបរិស្ថាន និងត្រូវជំរុញ អនុវត្តគោលនយោបាយ​ ឆ្នាំទស្សនាកម្ពុជា ២០២៣ ដើម្បីពង្រឹងកិត្តិនាម លើកកម្ពស់មុខមាត់​កម្ពុជាទៅកាន់ទីផ្សារទេសចរណ៍ពិភពលោក និងបង្កើន​ឧត្តមភាពប្រកួតប្រជែង ការស្តារកំណើន​ទេសចរណ៍ពីវិបត្តិកូវីដ១៩ ជាពិសេសជំរុញការចូលរួមទស្សនាយុទ្ធនាការ យើងជាម្ចាស់ផ្ទះ ដើម្បីអបអរសាទរ ព្រឹត្តិការកីឡាស៊ីហ្គេម និងអាស៊ានប៉ារ៉ាហ្គេម២០២៣ ​ដោយត្រូវ ត្រូវរួមគ្នា​លើកកម្ពស់កិត្តិយស មុខមាត់កម្ពុជា តាមរយៈ បង្ហាញពីវប្បធម៌ ប្រពៃណី ម្ហូបអាហារ អត្តសញ្ញាណជាតិ ភាពជាខ្មែរ ​ទំនៀមទំលាប់ការ​ស្លៀកពាក់ ​ការស្វាគមន៍រួសរាយរាក់ទាក់ ការតុបតែងភូមិដ្ឋានជាដើម​ នៅតាមមូលដ្ឋានក្រុងស្រុកខ័ណ្ឌឲ្យបានផុសផុស៕ អត្ថបទ ស៊ុម សុខជា