អាមេរិក៖ សេត​វិមាន​បាន​និយាយ​កាលពី​ថ្ងៃ​ព្រហស្បតិ៍​ថា ប្រធាន​គណៈកម្មការ​អឺរ៉ុប​លោកស្រី Ursula von der Leyen នឹង​ជួប​ជាមួយ​ប្រធានាធិបតី​សហរដ្ឋអាមេរិក​លោក Joe Biden នៅ​ទីក្រុង​វ៉ាស៊ីនតោន​នៅ​ថ្ងៃ​ទី១០ ​ខែមីនា ដើម្បី​ពិភាក្សា​អំពី​ថាមពល ខ្សែ​សង្វាក់​ផ្គត់ផ្គង់ បញ្ហា​ប្រទេស​ចិន និង​ក្រុមការងារ​ដែល​ត្រូវ​បង្កើត​ឡើង ​ដើម្បី​កាត់បន្ថយ​ការពឹងផ្អែក​របស់​សហ​ភាព​អឺរ៉ុប​លើ​ឥន្ធនៈ​ហ្វូ​ស៊ី​ល​របស់​រុស្ស៊ី​។

​អ្នកនាំពាក្យ​សន្តិសុខ​ជាតិ​សេត​វិមាន​លោក John Kirby បាន​និយាយ​ក្នុង​សន្និសីទ​សារព័ត៌មាន​ថា មេដឹកនាំ​ទាំង២ ​ក៏​នឹង​ពិភាក្សា​អំពី​ការគាំទ្រ​សម្រាប់​ប្រទេស​អ៊ុយ​ក្រែ​ន បញ្ហា​ប្រឈម​ផ្នែក​សន្តិសុខ និង​ការ​សម្របសម្រួល​ដើម្បី​ប្រយុទ្ធ​ប្រឆាំង​វិបត្តិ​អាកាសធាតុ​។​ ច្បាប់​កាត់បន្ថយ​អតិផរណា​របស់​លោក Biden ជា​សេចក្តី​ស្នើ​ច្បាប់​ថវិកា ៤៣០​ពាន់​លាន​ដុល្លារ​ដែល​ផ្តល់​ធន​បម្រុង​ដ៏​ធំ​សម្រាប់​ផលិត​ផល​ដែល​ផលិត​ដោយ​សហរដ្ឋអាមេរិក និង​មាន​គោលបំណង​ដោះស្រាយ​វិបត្តិ​អាកាសធាតុ និង​ការ​ធ្វើ​ឲ្យ​ប្រសើរ​ថាមពល​កកើត​ឡើង​វិញ ដែល​បាន​ជំរុញ​ឱ្យ​មាន​កំហឹង​នៅ​ក្នុង​ទ្វីប​អឺរ៉ុប៕

អត្ថបទ៖ ប៊ុនថន